Одобрен лекот Tecentriq SC (atezolizumab) – првиот PDL-1 имунолошки лек за субкутана употреба во Европа
Tecentriq SC (atezolizumab) е имунолошки лек за третман на повеќе агресивни видови карцином, како белодробен карцином, карцином на црниот дроб, мочен меур и рак на дојка. Овој лек претставува моноклонално антитело кое е дизајнирано да се поврзе за протеин наречен PDL-1 (анг. programmed death ligand-1), кој се наоѓа на туморните клетки и тумор-инфилтрирачките имуни клетки, блокирајќи ја интеракцијата со PD-1 и B7 рецепторите. Инхибирајќи го PDL-1, atezolizumab може да ги активира Т-клетките да се изборат против туморните клетки.
Лекот до сега беше достапен само како интравенска инјекција, а од сега е достапен и за субкутано (поткожно) користење, што им овозможува на пациентите полесно справување со начинот на администрација на лекот, пократко време поминато во земање на лекот, и што е најважно, овозможува администрирање на лекот надвор од болнички услови.
Одобрението е базирано на податоци добиени од клиничко испитување, кое покажало споредливи нивоа на Tecentriq SC во крвта, како и добра ефикасност и безбедност на лекот, споредено со интравенската администрација на Tecentriq.
Reference:
Roche (2024). European Commission approves Roche’s Tecentriq SC, the EUs first PD-(L)1 cancer immunotherapy subcutaneous injection for multiple cancer types. Достапно на: European Commission approves Roche’s Tecentriq SC, the EUs (globenewswire.com)
Датум на пристап: February, 2024
