Намалување на времетраењето на неутропенијата и инциденцата на фебрилна неутропенија
- Применливо кај пациенти кои примаат цитотоксична хемотерапија за третман на малигнитет, со исклучок на хронична миелоидна леукемија и миелодиспластичен синдром.
Намалување на времетраењето на неутропенија кај пациенти подложни на миелоаблативна терапија проследена со трансплантација на коскена срцевина
Мобилизација на матичните клетки од периферната циркулација
Тешка конгенитална - циклична или идиопатска - неутропенија
- Применливо при број на неутрофили ≤ 0,5 * 10^9/L.
Перзистентна неутропенија кај пациенти со инфекција предизвикана од хуман вирус на имунодефициенција (HIV-1)
Filgrastim претставува кратко-делувачки рекомбинантен фактор на стимулација на гранулоцитната колона (G-CSF) кој ги имитира дејствата на ендогениот хуман G-CSF и го олеснува ослободувањето на неутрофилите од коскената срцевина директно во системската циркулација, со цел редукција на инциденцата од инфекции и неутропенија. Ендогениот хуман G-CSF делува преку механизам на врзување за специфични клеточно-површински рецептори на површината на хематопоетските клетки со цел стимулација на пролиферација, диференцијација и зреење на неутрофилните прогениторни клетки.
Пациенти кои примаат цитотоксична хемотерапија
- Препорачана доза на filgrastim е 0,5 MIU (5mcg)/kg телесна тежина дневно, администрирана во облик на секојдневна супкутана инјекција или како секојдневна интравенска инфузија во времетраење од 30 минути.
Пациенти со пресадена коскена срцевина и претходна миелоаблативна терапија
Табела 1. Прилагодување на дозата
|
Вкупен број на неутрофили
|
Прилагодување на дозата
|
|
>1,0 * 10^9/L во текот на 3 последователни дена
|
Намалување на дозата на 0,5 MIU (5mcg)/kg телесна тежина дневно
|
|
>1,0 * 10^9/L во текот на најмалку 3 последователни дена
|
Прекин на терапијата
|
Мобилизација на прогениторните клетки од периферниот проток (PBPCs)
- Препорачана доза на filgrastim за мобилизација на прогениторните клетки од периферната крв (РВРС) кај пациенти кај кои се врши трансплантација на автологни прогениторни клетки од периферната крв по претходна миелосупресивна и миелоаблативна терапија е 1,0 MIU (10mcg)/kg телесна тежина дневно, администрирана во облик на супкутана континуирана инфузија во времетраење од 24 часа или како супкутана инјекција, во тек на 5 - 7 последователни дена;
- Препорачаната доза на filgrastim за мобилизација на прогениторните клетки од периферната крв (РВРС) по миелосупресивна хемотерапија е 0,5 МIU (5mcg)/kg телесна тежина дневно, од првиот ден по завршувањето на хемотерапијата па се' додека не се надмине очекуваниот праг за бројот на неутрофили и додека не се нормализира нивниот број.
Мобилизација на прогениторните клетки од периферната крв кај нормални донатори пред трансплантација на алогени прогениторни клетки од периферната крв
- Препорачана доза на filgrastim e 1,0 MIU (10mcg)/kg телесна тежина дневно, администрирана во облик на супкутана инјекција, во тек на 4 - 5 последователни дена.
Пациенти со тешка хронична неутропенија (SCN)Прилагодување на дозата Конгенитална неутропенија
- Препорачана почетна доза на filgrastim е 1,2 MIU (12mcg)/kg телесна тежина дневно, администрирана како поединична или поделена доза.
Идиопатска или циклична неутропенија
- Препорачана почетна доза на filgrastim е 0,5 MIU (5mcg)/kg телесна тежина дневно, администрирана како поединична или поделена доза.
Пациенти со ХИВ-инфекција
- Препорачана почетна доза на filgrastim за коригирање на неутропенијата е 0,1 MIU (1mcg)/kg телесна тежина дневно, со можност за титрирање до максимум 0,4 MIU (4mcg)/kg телесна тежина дневно.
Посебни популацииПациенти со хепатално оштетување
- Не е потребно прилагодување на дозата.
Пациенти со ренално оштетување
- Не е потребно прилагодување на дозата.
Педијатриска популација
- Не е потребно прилагодување на дозата.
Нема клинички значајни интеракции.
Се препорачува претпазливост при возење или управување со машини.
Задолжително проверете го рокот на употреба и условите на чување означени на надворешното пакување.
