Детали за лекот

• Chlorhexidine претставува антибиотик со широк спектар на дејство кој врши дисрупција на клеточната мембрана на бактериската клетка преку механизам на интеракција помеѓу позитивно-наелектризираниот chlorhexidine и трансмембранските негативно-наелектризирани фосфатни групи на бактериската клетка - преку оваа реакција доаѓа до нарушување на интегритетот на клеточната мембрана, се зголемува нејзината пермеабилност и се овозможува "истекување" на интраклеточната содржина во екстрацелуларниот простор. На тој начин, chlorhexidine навлегува во бактериската клетка и врши преципитација на цитоплазматските компоненти и промовира апоптоза.

• Lidocaine претставува локален анестетик од амиден тип, кој предизвикува нервна блокада преку механизам на стабилизација на невралната мембрана преку инхибиција на јонскиот инфлукс кој е неопходен за спроводливост на импулси. Подетално, lidocaine делува на ниво на трансмембранските јонски-зависните натриумови канали; на ниво на овие јонски канали, нејонизираниот облик на lidocaine дифундира во интрацелуларниот простор, каде потоа се јонизира под дејство на водородните јони. Резултантните катјонски облици на lidocaine понатаму можат да се врзат за интрацелуларните домеини на јонски-зависните натриумови канали и да ги блокираат истите, со што се спречува јонскиот инфлукс и се превенира деполаризација на невроните. 

• Не се препорачува употреба на chlorhexidine, lidocaine за време на бременост.

• Не се препорачува доење за време на спроведување на терапија со  chlorhexidine, lidocaine.

/

• Кожни хиперсензитивни реакции, наузеа, вомитус, абдоминална болка.

/

• Сериозни хиперсензитивни реакции (вклучително и анафилактичен шок), контактен дерматитис.

/

• Метхемоглобинемија, одложени хиперсензитивни реакции (контактна алергија, фотосензитивност) или други локални реакции, анксиозност, агитација, еуфорија, поспаност, вртоглавица, дезориентација, вертиго, тремор, психоза, нервоза, парестезија, вкочанетост, конвулзии, губење на свеста и кома, нарушување на видот (заматен вид, диплопија), тинитус, диспнеа, респираторен дистрес синдром, респираторна депресија, респираторен застој, отежнато голтање, улцерации во устата, мускулна слабост, тремор, астенија, минлива дисгеузија или чувство на печење на јазикот, чувство на ладно или топло.