Детали за лекот

• Болка при никнување на заби, забоболка, главоболка, шинувања, истегнувања, болка во грлото и ушите, болки при настинка и грип.

• Истовремената употреба на ibuprofen со ацетилсалицилна киселина може да го зголеми ризикот од појава на несакани дејства. 

• Истовремената употреба на ibuprofen со други нестероидни антиинфламаторни лекови (вклучително и селективни СОХ-2 инхибитори) може да го зголеми ризикот од појава на несакани дејства. 

• Истовремената употреба на ibuprofen со кортикостероиди може да го зголеми ризикот од појава на улцерации и крварења на ниво на гастроинтестиналниот тракт. 

• Истовремената употреба на ibuprofen со лекови од групата на антихипертензиви (АКЕ-инхибитори и антагонисти на ангиотензин II), β-блокатори и диуретици може да резултира со намалување на ефектот на овие лекови.
• Диуретиците може да го потенцираат нефротоксичниот ефект на ibuprofen; АКЕ-инхибиторите и антагонистите на ангиотензин II може да предизвикаат дополнително нарушување на реналната функција, вклучувајќи и можно акутно реверзибилно ренално затајување кај пациенти со ренално оштетување. 

• Истовремената употреба на ibuprofen со лекови од групата на орални антикоагуланси, како што е варфаринот, може да го зголеми ризикот од крварење.

• Истовремената употреба на ibuprofen со антитромботици и лекови од групата на селективни инхибитори на серотонинското репреземање (SSRIs) може да го зголеми ризикот од крварење на ниво на гастроинтестиналниот тракт и од интракранијално крварење.

• Истовремената употреба на ibuprofen со кардијални гликозиди може да резултира со влошување на кардијалната инсуфициенција, намалување на гломеруларната филтрација и зголемување на плазма-концентрацијата на кардијалните гликозиди (на пр. дигоксин). 

• Истовремената употреба на ibuprofen со литиум може да резултира со потенцирање на токсичните ефекти на литиумот. 

• Истовремената употреба на ibuprofen со метотрексат може да резултира со намалување на клиренсот на метотрексат и последователно потенцирање на неговите несакани ефекти (леукопенија, тромбоцитопенија, анемија, нефротоксичност, улцерации на слузницата). 

• Истовремената употреба на ibuprofen со лекови како што се циклоспорин и такролимус може да резултира со потенцирање на нефротоксичните ефекти на ibuprofen.

• Истовремената употреба на ibuprofen со мифепристон може да резултира со намалување на терапевтската ефикасност на мифепристон. 

• Истовремената употреба на ibuprofen со зидовудин може да го зголеми ризикот од појава на хематолошка токсичност; кај ХИВ-позитивни пациенти со хемофилија, истовремената употреба на ibuprofen со зидовудин го зголемува ризикот од појава на хемартрози и хематоми. 

• Истовремената употреба на ibuprofen со кинолонски антибиотици може да го зголеми ризикот од појава на конвулзии асоцирани со кинолонските антибиотици. 

• Истовремената употреба на ibuprofen со лекови од групата на инхибитори на CYP450 2C9 може да резултира со значително зголемување на плазма-концентрацијата на ibuprofen. 

• Истовремената употреба на ibuprofen со лекови кои содржат сулфанилуреа може да резултира со потенцирање на ефектот на овие лекови. 

• Истовремената употреба на ibuprofen со холестирамин може да резултира со намалување на реапсорпцијата на ibuprofen. 

• Истовремената употреба на ibuprofen со аминогликозидни антибиотици може да резултира со намалување на клиренсот на аминогликозидните антибиотици.

• Истовремената употреба на ibuprofen со билни препарати (на пр. препарати кои содржат Ginkgo biloba) може да го зголеми ризикот од крварење. 

• Истовремената употреба на ibuprofen со алкохол може да го зголеми ризикот од крварење на ниво на гастроинтестиналниот тракт. 

• Истовремената употреба на ibuprofen со фенитоин може да резултира со зголемување на плазма-концентрацијата на фенитоин. 

• Не се препорачува употреба на ibuprofen за време на бременост.

• Не се препорачува доење за време на спроведување на терапија со ibuprofen.

/

/

• Абдоминална болка, диспепсија, мачнина, главоболка, кожен осип, реакции на хиперсензитивност проследени со уртикарија и пруритус.

• Дијареа, флатуленција, констипација, вомитус.

• Пептичен улкус, перфорација или гастроинтестинално крварење, хематемеза, егзацербација на улцерозен колитис и на Кронова болест, улцерозен стоматитис, гастритис, асептичен менингитис, акутна ренална инсуфициенција, хепатални нарушувања, холестатска жолтица, хепатитис, покачени серумски нивоа на хепаталните ензими, нарушување на хематопоезата, erythema multiforme, токсична епидермална некролиза / Stevens-Johnson-ов синдром, тешки реакции на хиперсензитивност манифестирани како лицев едем, едем на јазикот и ларинксот, диспнеа, тахикардија, хипотензија, анафилакса, ангиоедем или тежок шок, кардијално затајување и едеми, хипертензија, хипер-реактивност на респираторниот систем со појава на астма, бронхоспазам и диспнеа, покачени серумски нивоа на уреа. 

• Реакција на лекот со еозинофилија и системски симптоми (DRESS-синдром), акутна генерализирана егзантематозна пустулоза, реакција на фотосензитивност.

• Абдоминална болка, мачнина, вомитус, летаргија, поспаност, главоболка, тинитус и атаксија. При сериозно предозирање со ibuprofen може да дојде до појава на метаболна ацидоза.

• Симптоматски и супортивен третман.