Детали за лекот

• Истовремената употреба на ibuprofen со ацетилсалицилна киселина може да го зголеми ризикот од појава на несакани дејства. 

• Истовремената употреба на ibuprofen со други нестероидни антиинфламаторни лекови (вклучително и селективни СОХ-2 инхибитори) може да го зголеми ризикот од појава на несакани дејства. 

• Истовремената употреба на ibuprofen со кортикостероиди може да го зголеми ризикот од појава на улцерации и крварења на ниво на гастроинтестиналниот тракт.

• Истовремената употреба на ibuprofen со лекови од групата на антихипертензиви (АКЕ-инхибитори и антагонисти на ангиотензин II), β-блокатори и диуретици може да резултира со намалување на ефектот на овие лекови.
• Диуретиците може да го потенцираат нефротоксичниот ефект на ibuprofen; АКЕ-инхибиторите и антагонистите на ангиотензин II може да предизвикаат дополнително нарушување на реналната функција, вклучувајќи и можно акутно реверзибилно ренално затајување кај пациенти со ренално оштетување. 

• Истовремената употреба на ibuprofen со лекови од групата на орални антикоагуланси, како што е варфаринот, може да го зголеми ризикот од крварење. 

• Истовремената употреба на ibuprofen со антитромботици и лекови од групата на селективни инхибитори на серотонинското репреземање (SSRIs) може да го зголеми ризикот од крварење на ниво на гастроинтестиналниот тракт и од интракранијално крварење. 

• Истовремената употреба на ibuprofen со кардијални гликозиди може да резултира со влошување на кардијалната инсуфициенција, намалување на гломеруларната филтрација и зголемување на плазма-концентрацијата на кардијалните гликозиди (на пр. дигоксин). 

• Истовремената употреба на ibuprofen со литиум може да резултира со потенцирање на токсичните ефекти на литиумот. 

• Истовремената употреба на ibuprofen со метотрексат може да резултира со намалување на клиренсот на метотрексат и последователно потенцирање на неговите несакани ефекти (леукопенија, тромбоцитопенија, анемија, нефротоксичност, улцерации на слузницата). 

• Истовремената употреба на ibuprofen со лекови како што се циклоспорин и такролимус може да резултира со потенцирање на нефротоксичните ефекти на ibuprofen. 

• Истовремената употреба на ibuprofen со мифепристон може да резултира со намалување на терапевтската ефикасност на мифепристон. 

• Истовремената употреба на ibuprofen со зидовудин може да го зголеми ризикот од појава на хематолошка токсичност; кај ХИВ-позитивни пациенти со хемофилија, истовремената употреба на ibuprofen со зидовудин го зголемува ризикот од појава на хемартрози и хематоми. 

• Истовремената употреба на ibuprofen со кинолонски антибиотици може да го зголеми ризикот од појава на конвулзии асоцирани со кинолонските антибиотици. 

• Истовремената употреба на ibuprofen со лекови од групата на инхибитори на CYP450 2C9 може да резултира со значително зголемување на плазма-концентрацијата на ibuprofen. 

• Истовремената употреба на ibuprofen со лекови кои содржат сулфанилуреа може да резултира со потенцирање на ефектот на овие лекови. 

• Истовремената употреба на ibuprofen со холестирамин може да резултира со намалување на реапсорпцијата на ibuprofen. 

• Истовремената употреба на ibuprofen со аминогликозидни антибиотици може да резултира со намалување на клиренсот на аминогликозидните антибиотици. 

• Истовремената употреба на ibuprofen со билни препарати (на пр. препарати кои содржат Ginkgo biloba) може да го зголеми ризикот од крварење. 

• Истовремената употреба на ibuprofen со алкохол може да го зголеми ризикот од крварење на ниво на гастроинтестиналниот тракт. 

• Истовремената употреба на ibuprofen со фенитоин може да резултира со зголемување на плазма-концентрацијата на фенитоин. 

• Истовремената употреба на ibuprofen со лекови кои содржат пробенецид или сулфинпиразон може да резултира со одложена елиминација на ibuprofen. 

• Истовремената употреба на ibuprofen со диуретици кои штедат калиум може да резултира со хиперкалиемија. 

• Не се препорачува употреба на ibuprofen за време на бременост.

• Не се препорачува доење за време на спроведување на терапија со ibuprofen.

/

• Гастроинтестинални нарушувања (абдоминална болка, наузеа и диспепсија), дијареа, флатуленција, констипации, вомитус, хиперацидитет и лесно гастроинтестинално крварење).

• Уртикарија, пруритус, нарушување на централниот нервен систем (главоболка, вертиго, поспаност, агитација, иритабилност или замор), нарушување на видот, улцеративен стоматитис, перфорации и крварење на ниво на гастроинтестиналниот тракт, егзацербација на колитис и Кронова болест, гастритис, разни видови на кожен осип. 

• Тинитус, оштетување на реналното ткиво (папиларна некроза), покачени серумски нивоа на уреа, намалување на нивото на хемоглобин.

• Егзацербација на инфекции (развој на некротизирачни фасциитис, тешка инфекција на кожата и компликации на меките ткива), хематопоетички нарушувања (анемија, леукопенија, тромбоцитопенија, панцитопенија, агранулозитоза), симптоми на хиперпирексија, болно грло, површински улцерации на устата, симптоми слични на грип, тешка исцрпеност, крварење од носот, кожни крварења и модринки, психотични реакции, депресија, реакции на хиперсензитивност, тешки реакции на хиперсензитивност (лицев едем, едем на јазикот и ларинксот, диспнеа, тахикардија, хипотензија, анафилакса, ангиоедем или шок), егзацербација на астма, асептичен менингитис, кардијална инсуфициенција, палпитации и едем, миокардијален инфаркт, хипертензија, васкулитис, езофагитис и формации на цревата налик на дијафрагмални структури, панкреатитис, хепатална дисфункција, хепатално оштетување, хепатална инсуфициенција, акутен хепатитис, тешки форми на кожни реакции (булозни реакции, Stevens-Johnson-ов синдром / токсична епидермална некролиза, erythema multiforme, алопеција), создавање на едеми (особено кај пациенти со артериска хипертензија или ренална инсуфициенција), нефротски синдром, интерстицијален нефритис.

• Хипер-реактивност на респираторниот систем, влошување на симптомите на астма, бронхоспазам, диспнеа.

• Абдоминална и епигастрична болка, мачнина, вомитус, летаргија, поспаност, главоболка, тинитус, атаксија и гастроинтестинално крварење. При сериозно предозирање со ibuprofen може да дојде до појава на метаболна ацидоза и пролонгирано протромбинско време; можна е и појава на акутна ренална или хепатална инсуфициенција, како и на егзацербација на астма.

• Симптоматски и супортивен третман.
• Применлива е и перорална администрација на активен јаглен 1 час по ингестија на токсична доза на ibuprofen.