Repaglinide претставува инсулински секретогог кој делува преку механизам на врзување за АТР-зависните калиумови канали сместени на површината на интактните β-клетки на Лангерхансовите островчиња на панкреасот, со што го стимулира ослободувањето на инсулинот. Repaglinide ги затвора АТР-зависните калиумови канали во мембраните на β-клетките преку таргет-протеин кој е различен од другите секреторни агенси; ова ја деполаризира β-клетката и води до отворање на калциумовите канали. Зголемениот инфлукс на калциум индуцира секреција на инсулин од β-клетките.
Препорачана почетна доза на repaglinide e 0,5mg.
Препорачана максимална единечна доза на одржување е 4mg, земена со главни оброци. Вкупната максимална доза не смее да надминува 16mg.
Repaglinide се зема препрандијално, односно пред главните оброци. Дозите вообичаено се земаат 15 минути пред главниот оброк, но времето може да варира од непосредно пред главниот оброк до 30 минути пред оброкот.
Посебни популацииПациенти со ренално оштетување
- Не е потребно прилагодување на дозата.
Пациенти со хепатално оштетување
Пациенти кои земаат други перорални антихипергликемици
- Кај пациенти кои се на терапија со метформин, препорачана доза на repaglinide е 0,5mg, земена пред главни оброци.
Задолжително проверете го рокот на употреба и условите на чување означени на надворешното пакување.
