Детали за лекот

• Применливо кај пациенти кои не се адекватно контролирани со инхалаторни кортикостероиди и кои по потреба инхалираат кратко-делувачки β2-агонист, како и кај пациенти кои се адекватно контролирани со двата лека.

• Budesonide претставува глукокортикоид кој покажува антиинфламаторно дејство на ниво на респираторниот и гастроинтестиналниот тракт. Budesonide ја инхибира апоптозата на неутрофилите, ја инхибира активноста на фосфолипазата А2, со што се инхибира синтезата на арахидонската киселина и нејзините деривати. Дополнително, budesonide ја инхибира активноста на нуклеарниот фактор NF-kappa-B и други проинфламаторни фактори на транскрипција, додека ја стимулира активноста на антиинфламаторните гени, како што е интерлеукин-10.

• Formoterol претставува селективен долго-делувачки агонист на β2-адренергичните рецептори лоцирани во бронхијалната мазна мускулатура, кој делува преку механизам на активација на интраклеточната аденилил циклаза – ензим кој е одговорен за конверзијата на аденозин трифосфат (АТР) во цикличен аденозин монофосфат (сАМР). Покачените нивоа на сАМР во бронхијалната мазна мускулатура резултира со нејзина релаксација и дилатација на респираторните патишта, како и инхибиција на ослободување на проинфламаторни медијатори од маст-клетките, како што се хистаминот и леукотриените.

• Возрасни пациенти – 1 инхалација, двапати дневно;
• Адолесценти на возраст од 12 – 17 години - 1 инхалација, двапати дневно;
• Деца на возраст под 12 години – употребата на budesonide, formoterol е контраиндицирана.

• Возрасни пациенти – 1 инхалација, двапати дневно.

• Истовремената употреба на budesonide, formoterol со лекови од групата на инхибитори на CYP450 3A4, како што се кетоконазол, итраконазол, вориконазол, посаконазол, кларитромицин, телитромицин, нефазодон, кобицистат и инхибитори на ХИВ-протеаза, може да резултира со зголемување на серумските нивоа на budesonide.

• Истовремената употреба на budesonide, formoterol со β-блокатори може да резултира со инхибиција на дејството на formoterol.

• Истовремената употреба на budesonide, formoterol со β-блокатори може да резултира со инхибиција на дејството на formoterol.

• Истовремената употреба на budesonide, formoterol со лекови како кинидин, дисопирамид, прокаинамид, фенотиазини, антихистаминици (терфенадин) и трициклични антидепресиви може да резултира со продолжување на QTc-интервалот и со зголемување на ризикот од вентрикуларни аритмии.

• Истовремената употреба на budesonide, formoterol со лекови како L-допа, L-тироксин, окситоцин и алкохол може да резултира со нарушување на кардијалната толеранција кон β2-симпатомиметиците.

• Истовремената употреба на budesonide, formoterol со МАО-инхибитори може да резултира со поттикнување на хипертензивни реакции.

• Истовремената употреба на budesonide, formoterol со халогенирани јаглеводородни анестетици може да го зголеми ризикот од аритмии.

• Истовремената употреба на budesonide, formoterol со β-агонисти и антихолинергици може да го потенцира бронходилататорниот ефект.

• Истовремената употреба на budesonide, formoterol со гликозиди на дигиталис може да резултира со хипокалиемија која ја зголемува склоноста кон аритмии.

• Истовремената употреба на budesonide, formoterol со сок од грејпфрут може да резултира со зголемување на плазма-концентрацијата на budesonide, formoterol. 

• Не се препорачува употреба на на budesonide, formoterol за време на бременост.

• Не се препорачува доење за време на спроведување на терапија со на budesonide, formoterol.

/

• Кандидијаза на орофаринкс, пневмонија, главоболка, тремор, палпитации, блага иритација во грлото, кашлање, дисфонија, засипнатост.

• Агресија, психомоторна хиперактивност, вознемиреност, нарушувања во спиењето, вертиго, заматен вид, тахикардија, наузеа, модрици, мускулни спазми.

• Непосредни и одложени реакции на хиперсензитивност (на пр. егзема, уртикарија, пруритус, дерматитис, ангиоедем и анафилактичка реакција), хипокалиемија, аритмија, атријална фибрилација, суправентрикуларна тахикардија, екстрасистоли, бронхоспазам.

• Cushing-ов синдром, адренална супресија, забавен раст, намалување на коскената густина, хипергликемија, депресија, промени во однесувањето, нарушувања на вкусот, катаракта и глауком, ангина пекторис, продолжување на QTc-интервалот, варирање на крвниот притисок.

/

• Симптоми на предозирање со formoterol се: тремор, главоболка, палпитации, тахикардија, хипергликемија, продолжување на QTc-интервалот, аритмија, наузеа и вомитус; 
• Не се очекува предозирање со budesonide.

• Терапија со инхалаторен кортикостероид.