Детали за лекот

• Ревматоиден артритис, остеоартритис, спондилоартритис (анкилозирачки спондилитис и сродни болести), акутен напад на гихт.

• Периартритис, тендинитис, тендосиновитис, бурзитис.

• Пост-трауматски состојби (фрактури, изместувања, истегнувања), примарна дисменореа, болни состојби на ‘рбетот, пост-оперативна болка по помали ортопедски, стоматолошки и други помали хируршки интервенции. 

• Препорачана доза на diclofenac е 100 – 150 mg на секои 8 – 12 часа.

• Истовремената употреба на diclofenac со литиум или дигоксин може да резултира со зголемување на плазматската концентрација на литиум и/или дигоксин; дополнително, истовремената употреба на diclofenac со дигоксин може да резултира со егзацербација на кардијална инсуфициенција, намалување на гломеруларниот проток и зголемување на плазматската концентрација на дигоксин.

• Истовремената употреба на diclofenac со диуретици и некои антихипертензиви може да резултира со намалување на антихипертензивното дејство на диуретиците и на некои антихипертензиви, како што се β-блокатори или АКЕ-инхибитори. Дополнително, истовремената употреба на diclofenac со диуретици кои штедат калиум може да го зголеми ризикот од појава на хиперкалиемија. 

• Истовремената употреба на diclofenac со антикоагуланси може да го зголеми ризикот од крварење и да доведе до реверзибилна инхибиција на агрегација на тромбоцитите.

• Истовремената употреба на diclofenac со други НСАИЛи или кортикостероиди може да го зголеми ризикот од појава на гастроинтестинални несакани ефекти.

• Истовремената употреба на diclofenac со селективни инхибитори на серотонинското ре-преземање може да го зголеми ризикот од појава на гастроинтестинално крварење.

• Истовремената употреба на diclofenac со орални антидијабетици може да резултира со нарушување на нивото на глукоза во крвта, кое може да се манифестира во облик на хипо- или хипергликемија.

• Истовремената употреба на diclofenac со метотрексат може да резултира со зголемување на плазматската концентрација на метотрексат и потенцирање на неговите токсични ефекти.

• Истовремената употреба на diclofenac со циклоспорин може да резултира со потенцирање на нефротоксичноста на циклоспорин.

• Истовремената употреба на diclofenac со кинолонски антибиотици може да резултира со појава на конвулзии.

• Истовремената употреба на diclofenac со мифепристон може да резултира со намалување на фармаколошката активност на мифепристон.

• Не се препорачува употреба на diclofenac за време на бременост.

• Не се препорачува доење за време на спроведување на терапија со diclofenac.

/

• Главоболка, вертиго, наузеа, вомитус, дијареа, диспепсија, абдоминална болка, флатуленција и анорексија, покачување на серумските нивоа на трансаминазите, осип.

• Миокарден инфаркт, кардијална инсуфициенција, палпитации, градна болка.

• Реакции на хиперсензитивност, како астма, системска анафилактичка и анафилактоидна реакција (вклучувајќи хипотензија и шок), сомноленција, замор, астма, диспнеа, гастритис, гастроинтестинална хеморагија, хематемеза, мелена, гастричен или интестинален улкус (со или без крварење и перфорација), хепатитис, иктерус, ренални нарушувања, уртикарија, едем.

• Тромбоцитопенија, леукопенија, анемија (вклучувајќи хемолитичка и апластична анемија), агранулоцитоза, ангионевротски едем (вклучувајќи фацијален едем), дезориентација, депресија, инсомнија, кошмари, иритабилност, психички нарушувања, парестезии, нарушено помнење, конвулзии, анксиозност, тремор, асептичен менингитис, дисгеузија, цереброваскуларни нарушувања, нарушување на видот (диплопија, заматен вид), тинитус, нарушување на слухот, хипертензија, хипотензија, васкулитис, пневмонитис, колитис (вклучувајќи хеморагичен колитис и егзацербација на улцеративен колитис или Кронова болест), опстипација, стоматитис, глоситис, езофагеални нарушувања, интестинални структури, панкреатитис, фулминантен хепатитис, хепатална некроза, хепатална инсуфициенција, булозни промени, егзем, еритем, erythema multiforme, Stevens-Johnson-ов синдром, токсична епидермална некролиза, ексфолијативен дерматитис, алопеција, фотосензитивни кожни реакции, пурпура, алергиска пурпура и пруритус, акутна ренална инсуфициенција, хематурија, протеинурија, нефротски синдром, интерстицијален нефритис, ренална папиларна некроза, хипертензија, хипотензија, васкулитис, импотенција.

/

• Главоболка, наузеа, вомитус, епигастрична болка, гастроинтестинално крварење, дијареа, вертиго, дезориентација, ексцитација, кома, поспаност, тинитус, кома или конвулзии; 
• Во случај на сигнификантно предозирање се јавува акутна ренална инсуфициенција и хепатално оштетување.

• Симптоматски и супортивен; 
• Се препорачува примена на активен јаглен или гастрична лаважа 1 час по ингестија на потенцијално токсични дози; 
• Честите и продолжени конвулзии се третираат со интравенска администрација на диазепам.