Третман на астма како дополнителна терапија
- Применливо кај пациенти со слаба до умерена несоодветно-контролирана постојана астма.
Олеснување на симптоми од алергиски ринитис кај пациенти со астма
Профилакса на астма
- Применливо кај пациенти со бронхоконстрикција предизвикана од напор.
Цистеинил леукотриените (LTC4, LTD4, LTE4), се моќни проинфламаторни еикозаноиди кои се одлободуваат од различни клетки вклучувајќи ги маст клетките и еозинофилите. Овие важни проастматични медијатори се врзуваат со цистеинил леукотриенските (CysLT) рецептори на ниво на респираторните патишта и предизвикуваат респираторни дејства, вклучувајќи бронхоконстрикција, мукозна секреција, васкуларна пропустливост и еозинофилно собирање. Montelukast се врзува со висок афинитет и селективност за CysLT1 рецепторот и ja инхибира бронхоконстрикцијата поради инхалираниот LTD4. Дополнително, montelukast ги намалува еозинофилите во респираторните патишта, како и во периферната крв кај возрасни и педијатриски пациенти така што ја подобрува клиничката контрола на астмата.
Препорачаната доза на montelukast кај возрасни пациенти и адолесценти на возраст од 15 години и постари со астма, или со астма и попратен сезонски алергиски ринитис е 10mg дневно, администрирана навечер.
Montelukast се администрира 1 час пред, односно 2 часа по оброк.
Поради можност од појава на вртоглавица и зашеметеност, се препорачува претпазливост при возење или управување со машини.
Задолжително проверете го рокот на употреба и условите на чување означени на надворешното пакување.
