Лек: Мемотропил 20%

  • ATC код:N06BX03
  • Компанија:РИФАМ доо
  • Доза:200mg/mL раствор за инјектирање
Третман на миоклонус од кортикално потекло
  • Се користи како монотерапија или во комбинација со други лекови.
Симптоматска терапија на интелектуални нарушувања и нарушувања на меморијата при отсуство на утврдена дијагноза на деменција

Piracetam претставува лек од групата ноотропици, кој делува преку механизам на врзување за поларните глави на ниво на фосфолипидна мембрана, а резултантните лек-липид комплекси имаат способност да ја регулираат функцијата на липидната мембрана и да индуцираат обновување на нејзините ламеларни структури. Piracetam исто така го супримира дестабилизирачкиот ефект на амилоидниот пептид. Овој механизам овозможува подобрување на стабилноста на мембраната, ги олеснува мембранскиот транспорт и невротрансмисијата, ја подобрува невропластичноста и овозможува мембранските и трансмембранските протеини да ја задржат и да ја обноват својата тродимензионална структура, што е важно за нивната функција.

Piracetam промовира невропротективен и антиконвулзивен ефект на ниво на неврон, кој се манифестира преку механизам на постсинаптичка модулација на густината и рецепторната активност.

Симптоматска терапија на интелектуални нарушувања и нарушувања на меморијата
  • Препорачана дневна доза на piracetam е 2,4 – 4,8g дневно, поделена во 2-3 поединечни дози.
Третман на миоклонус од кортикално потекло
  • Терапијата започнува со доза од 7,2g дневно. На секои 3-4 дена, дозата се зголемува за 4,8g дневно, поделена во 2 или 3 дози, сé додека не се постигне максимална доза од 24g на ден. Во тек на третманот, потребно е да се одржува истиот режим на дозирање на останатите антимиоклонични лекови;
  • Кај пациенти со акутна епизода на болеста, истата може со тек на време спонтано да се повлекува и потребно е на секои 6 месеци да се намалува дозата или да се прекине употребата на лекот; ова се постигнува со намалува на дозата на piracetam за 1,2g на секои два дена (на секои три или четири дена во случај на Lancе-ов или Adams-ов синдром, со цел да се спречи можноста од појава на ненадеен релапс или напади поради прекинот на употребата на лекот).
Посебни популации
Постари пациенти
  • Препорачливо е прилагодување на дозата.
Пациенти со ренално оштетување
  • Препорачливо е прилагодување на дозата (Табела 1.).

Табела 1. Прилагодување на дозата на piracetam во зависност од степенот на ренално оштетување

Ренална функција

eGFR (mL/min/1,72m2)

Дозирање и фреквенција

Зачувана

>  90

Вообичаена дневна доза, поделена во 2-4 поединечни дози

Благо намалена

60 – 89

2/3 од вообичаената дневна доза, поделена во 2 или 3 поединечни дози

Умерено намалена

30 – 59

1/3 од вообичаената дневна доза, поделена во 2 поединечни дози

Изразено намалена

15 – 29

1/6 од вообичаената дневна доза, 1 поединечна доза

Ренално оштетување во завршна фаза

≤ 15

Контраиндицирано

 

Пациенти со хепатално оштетување
  • Не е потребно прилагодување на дозата.
  • Хиперсензитивност кон piracetam;
  • Ренална инсуфициенција во завршен стадиум (eGFR ≤ 15mL/min/1,73m2);
  • Историја на церебрално крварење;
  • Huntington-ова болест (Huntington-ова хореа).
Тироидни хормони
  • Истовремената употреба на piracetam со тироидни хормони може да резултира со појава на конфузија, раздразливост и нарушување во спиењето.
Аценокумарол
  • Piracetam во доза од 9,6g дневно не ги менува дозите на аценокумарол кои се потребни за да се постигне INR од 2,5 – 3,5, меѓутоа во споредба со ефектите на аценокумарол даден како монотерапија, додавањето на piracetam во доза од 9,6g дневно резултира со значително намалување на агрегацијата на тромбоцитите, ослободувањето на β-тромбоглобулин, нивото на фибриноген и Von Willebrand-овиот фактор (VIII: C; VIII: vW: Ag; VIII: vW : RCo) и вискозитетот на полната крв и плазмата.
Антиепилептици
Алкохол

Нема влијание.

Бременост
  • Не се препорачува употреба на piracetam за време на бременост.
Доење
  • Не се препорачува употреба на piracetam за време на доење.

Нема податоци. 

Чести
  • Нервоза, хиперкинезија, обезност. 
Помалку чести
  • Депресија, сомноленција, астенија. 
Ретки
  • Тромбофлебитис, хипотензија, болка на местото на инјектирање, пирексија. 
Непознато
  • Хеморагични нарушувања (крварење), анафилактоидни реакции, реакции на хиперсензитивност, нервоза, вознемиреност, конфузија, халуцинации, атаксија, вртоглавица, нарушување на рамнотежата, влошување на епилепсијата, главоболка, инсомнија, абдоминална болка, болка во горниот дел на стомакот, дијареа, гадење, повраќање, ангионевротски едем, дерматитис, пруритус, уртикарија, зголемено либидо, тремор. 
Многу чести

/

Многу ретки

/

Симптоми
  • Симптом на предозирање кој се јавува при употреба на piracetam во доза од 75g е крвава дијареа проследена со абдоминални болки.
Третман
  • Не постои специфичен антидот за предозирање со piracetam. Поради тоа, при акутно значајно предозирање, најчесто се пристапува кон лаважа на желудникот или кон индукција на емеза. Третманот на предозирањето е симптоматски и вклучува хемодијализа.

Piracetam може да предизвика екстремна поспаност и хиперкинезија и истиот може негативно да влијае врз способноста за возење или управување со машини, па поради тоа се препорачува голема претпазливост. 

Задолжително проверете го рокот на употреба и условите на чување означени на надворешното пакување.

ATC код:N06BX03
Генерично име:piracetam
Латинично име:Piracetam solution for injection
Jaчина и фармацевтска дозирана форма:200mg/mL раствор за инјектирање
Производител:РИФАМ доо
Носител на одобрение:Pharmaceutical Works POLPHARMA S.A. , Старогард Гдански, Полска

Поврзани лекови