Детали за лекот

• Применливо во комбинација со доксорубицин и циклофосфамид кај пациенти со операбилен карцином на дојка со позитивни аксиларни лимфни јазли или операбилен карцином на дојка со негативни аксиларни лимфни јазли; 
• Применливо во комбинација со доксорубицин за третман на локално-напреден или метастатски карцином на дојка; 
• Применливо во комбинација со трастузумаб за третман на пациенти со метастатски карцином на дојка со зголемена HER2-експресија; 
• Применливо во комбинација со капецитабин за третман на локално-напреден или метастатски карцином на дојка по неуспешна хемотерапија со други цитостатици.

• Применливо како монотерапија или во комбинација со цисплатин за третман на локално-напреден или метастатски не-ситноклеточен карцином на белите дробови.

• Применливо во комбинација со преднизон или преднизолон за третман на пациенти со метастазиран карцином на простатата кој е резистентен на хормонска терапија.

• Применливо во комбинација со цисплатин и 5'-флуороурацил за третман на метастатски гастричен аденокарцином, вклучително и карцином на гастроезофагеалниот спој.

• Применливо во комбинација со цисплатин и 5'-флуороурацил за третман на локално-напреден сквамозноклеточен карцином на главата и вратот.

• Препорачана доза на docetaxel за адјувантен третман на карцином на дојка е 75 mg/m2, aдминистрирана 1 час по администрација на доксорубицин во доза од 50 mg/m2 и циклофосфамид во доза од 500 mg/m2 на секои 3 недели, во тек на 6 циклуси.

• Препорачана доза на docetaxel e 75 mg/m2, по која веднаш се администрира цисплатин во доза од 75 mg/m2, администрирана во тек на 30 - 60 минути.

• Препорачана доза на docetaxel e 75 mg/m2, администрирана како едночасовна инфузија, по што следи администрација на цисплатин во доза од 75 mg/m2, администрирана како едночасовна до тричасовна инфузија, по што следи администрација на 5'-флуороурацил во доза од 750 mg/m2 дневно, администрирана како 24-часовна континуирана инфузија во тек на 5 дена, започната по завршување на инфузијата со цисплатин. 

• Истовремената употреба на docetaxel со инхибитори на CYP450 2C8 или CYP450 3A4, како кетоконазол, еритромицин, флуоксетин, гемфиброзил, клопидогрел, циметидин, ритонавир, сакинавир, индинавир и нелфинавир може да резултира со значително зголемување на плазматската концентрација на docetaxel. 

• Истовремената употреба на docetaxel со индуктори на CYP450 2C8 и CYP450 3A4, како рифампицин, карбамазепин, фенитоин, ефавиренз или невирапин може да резултира со намалување на плазматската концентрација на docetaxel. 

• Истовремената употреба на docetaxel со сок од грејпфрут може да резултира со зголемување на плазматската концентрација на docetaxel и да го зголеми ризикот од појава на сериозни несакани ефекти, како наузеа, вомитус, дијареа, рани во устата, ретенција на течности, мијалгија или мускулна слабост.

• Не се препорачува употреба на docetaxel за време на бременост.

• Употребата на docetaxel за време на доење е контраиндицирана. 

• Инфекции (сепса, пневмонија), неутропенија, анемија, фебрилна неутропенија, хиперсензитивност, анорексија, периферна сензорна невропатија, периферна моторна невропатија, дисгеузија, диспнеа, стоматитис, дијареа, наузеа, вомитус, алопеција, кожни реакции, нарушување на ноктите, мијалгија, ретенција на течности, астенија, болка.

• Инфекции пропратени со G4 неутропенија, тромбоцитопенија, аритмија, хипотензија, хипертензија, хеморагии, констипација, абдоминална болка, гастроинтестинална хеморагија, артралгија, реакции на местото на инфундирање, некардијална градна болка, G 3/4 хипербилирубинемија, G 3/4 зголемени серумски нивоа на аланин аминотрансфераза, аспартат аминотрансфераза и алкална фосфатаза.

• Езофагитис, кардијална инсуфициенција.

/

/

/