Лек: Зитрон

  • ATC код:A04AA01
  • Компанија:АЛКАЛОИД АД СКОПЈЕ- фармацевтска, хемиска, козметичка индустрија-Скопје, Република Северна Македонија
  • Доза:8mg филм-обложени таблети
Превенција и терапија на наузеа и вомитус предизвикани од еметогена хемотерапија и од радиотерапија, вклучувајќи и високи дози на цисплатин
Превенција и терапија на постоперативна наузеа и вомитус (ПОНВ)

Ondansetron е потентен високо-селективен антагонист на серотонинергичните 5-НТ3-рецептори, кој делува преку механизам на нивно блокирање, со што се спречува врзување на 5-хидрокситриптаминот за овие рецептори, а со тоа се антагонизира и рефлексот на повраќање кој настанува преку активирање на вагусните аферентни неврони.

Наузеа и вомитус предизвикани од хемотерапија и радиотерапија
  • Препорачана доза на ondansetron е 8mg, која се зема 1 – 2 часа пред хемотерапијата или пред радиотерапијата, а потоа по 8mg на секои 12 часа, во времетраење од најмногу 5 дена.
Високо-еметогена хемотерапија
  • Поединечната доза на ondansetron е 24mg, во комбинација со 12mg дексаметазон натриум фосфат, земени 1 – 2 часа пред хемотерапијата;
  • По првите 24 часа пероралната терапија со ondansetron може да биде продолжена до 5 дена и до 3 дена ректално по циклусот на терапијата; препорачана орална доза е 8mg на секои 12 часа.
Наузеа и вомитус предизвикани од хемотерапија кај деца и адолесценти на возраст од 6 месеци до 12 години
  • Дозата може да се одреди врз основа на телесната површина или на телесната тежина на пациентот;
  • Ondansetron се применува непосредно пред хемотерапијата, во облик на единечна интравенска доза од 5mg/m2; единечната доза не смее да ја надмине дозата од 8mg;
  • Оралната администрација на ondansetron може да започне 12 часа подоцна и може да продолжи до 5 дена (табела 1.); вкупната доза за 24 часа (како поделени дози) не смее да ја надмине дозата од 32mg.

Табела 1. Дозирање на ondansetron во однос на телесната површина кај пациенти на возраст од 6 месеци до 17 години

Телесна површина

Ден 1

Ден 2 – 6

< 0,6 m2

5mg/m2 и.в. и 2mg орална доза по 12 часа

2mg орална доза на секои 12 часа

> 0,6 m2

5mg/m2 и.в. и 4mg орална доза по 12 часа

4mg орална доза на секои 12 часа
 
  • Дозирањето според телесната тежина резултира со повисока вкупна дневна доза во однос на дозирањето според телесната површина; ondansetron се применува пред хемотерапијата, во облик на единечна интравенска доза од 0,15 mg/kg;
  • Единечната интравенска доза не смее да надмине 8mg;
  • Првиот ден може да се применат две интравенски дози на растојание од 4 часа; оралната администрација може да започне 12 часа подоцна и може да продолжи до најмногу 5 дена (табела 2.). Вкупната доза за 24 часа не смее да надмине 32mg.

Табела 2. Дозирање во однос на телесната тежина кај пациенти на возраст од 6 месеци до 17 години

Телесна тежина

Ден 1

Ден 2 – 6

≤ 10 kg

До 3 дози од 0,15 mg/kg на секои 4 часа

2mg орално на секои 12 часа

>10 kg

До 3 дози од 0,15 mg/kg на секои 4 часа

4mg орално на секои 12 часа
 
Наузеа и вомитус предизвикани од хемотерапија кај повозрасни пациенти (≥ 65 години)
  • Не е потребно прилагодување на дозата.
Постоперативна наузеа и вомитус (ПОНВ)
  • Препорачана доза на ondansetron за превенција на постоперативна наузеа и вомитус е 16mg, еден час пред анестезијата;
  • За терапија на утврдена постоперативна наузеа и вомитус се препорачува интравенска или интрамускулна администрација на ondansetron.
  • Деца и адолесценти на возраст од 1 месец до 17 години – се препорачува бавна интравенска инфузија (не пократко од 30 секунди);
  • Постари пациенти – не е потребно прилагодување на дозата;
  • Пациенти со ренално оштетување – не е потребно прилагодување на дозата;
  • Пациенти со хепатално оштетување – препорачлива е администрација на пониски дози на ondansetron, така што вкупната доза не треба да биде поголема од 8mg.
  • Хиперсензитивност кон ondansetron;
  • Истовремена примена на апоморфин.
Лекови кои го продолжуваат QT-интервалот
  • Истовремената употреба на ondansetron со лекови кои го продолжуваат QT-интервалот може да резултира со дополнително продолжување на QT-интервалот.
Кардиотоксични лекови (доксорубицин, даунорубицин, трастузумаб)
  • Истовремената употреба на ondansetron со кардиотоксични лекови како што се доксорубицин, даунорубицин и трастузумаб може да го зголеми ризикот од појава на аритмии. 
Антибиотици (еритромицин, кетоконазол)
  • Истовремената употреба на ondansetron со антибиотици како што се еритромицин и кетоконазол може да го зголеми ризикот од појава на аритмии.
Антиаритмици (амиодарон)
  • Истовремената употреба на ondansetron со амиодарон може да го зголеми ризикот од појава на аритмии. 
β-блокатори (атенолол, тимолол)
  • Истовремената употреба на ondansetron со лекови од групата на β-блокатори, како што се атенолол и тимолол може да го зголеми ризикот од појава на аритмии.
Индуктори на CYP450 3A4 (фенитоин, рифампицин, карбамазепин)
  • Истовремената употреба на ondansetron со лекови од групата на индуктори на CYP450 3A4, како што се фенитоин, рифампицин и карбамазепин може да резултира со зголемување на оралниот клиренс на ondansetron, а со тоа и намалување на неговата плазма-концентрација. 
Трамадол
  • Истовремената употреба на ondansetron и трамадол може да го намали аналгетичниот ефект на трамадолот.

Оndansetron може да се зема со или без храна.

Бременост
  • Не се препорачува употреба на ondansetron за време на бременост.
Доење
  • Не се препорачува доење за време на спроведување на терапија со ondansetron.

Жените во репродукција за време на спроведувањето на третманот со ondansetron потребно е да спроведуваат соодветна контрацептивна терапија.

Многу чести
  • Главоболка.
Чести
  • Чувство на топлина и црвенило, констипација, локална реакција на местото на инјектирање.
Помалку чести
  • Напади, нарушување на движењето (вклучувајќи и екстрапирамидални реакции, како дистонични реакции, окулогирични кризи и дискинезија), аритмија, болка во градите (со или без депресија на ЅТ-сегментот), брадикардија, хипотензија, икање, асимптоматско покачување на серумските нивоа на хепаталните ензими.
Ретки
  • Непосредна реакција на хиперсензитивност (вклучително и анафилакса), вртоглавица во текот на интравенската администрација, транзиторни нарушувања на видот (на пр. заматен вид) во тек на брза интравенска администрација, продолжување на QT-интервалот (вклучително и Torsades de Pointes).
Многу ретки
  • Транзиторно слепило, предоминантно во текот на интравенската апликација.
Непознато
  • Миокардна исхемија.
Симптоми
  • Нарушување на видот, тешка констипација, хипотензија и вазо-вагална епизода со транзиторен АВ-блок од втор степен.
Третман
  • Бидејќи ondansetron го продолжува QT-интервалот, при предозирање се препорачува ЕКГ-мониторинг.

Нема влијание.

Задолжително проверете го рокот на употреба и условите на чување означени на надворешното пакување.

ATC код:A04AA01
Генерично име:ondansetron
Латинично име:Ondansetron film-coated tablets
Jaчина и фармацевтска дозирана форма:8mg филм-обложени таблети
Производител:АЛКАЛОИД АД СКОПЈЕ- фармацевтска, хемиска, козметичка индустрија-Скопје, Република Северна Македонија
Носител на одобрение:АЛКАЛОИД АД, Скопје, Р. Северна Македонија

Поврзани лекови