Детали за лекот

• Rosuvastatin претставува лек од групата на статини - инхибитори на HMG-CoA-редуктаза, ензим кој е вклучен во конверзијата на HMG-СоА во мевалонат, имено еден од првите чекори во синтезата на ендогениот холестерол. Rosuvastatin делува директно на хепатално ниво, каде ја намалува хепаталната концентрација на холестеролот, а тоа резултира со стимулација на LDL-рецепторите, односно се зголемува хепаталното ре-преземање на LDL-холестеролот, со што се намалуваат неговите серумски нивоа. Дополнително, rosuvastatin ја инхибира хепаталната синтеза на VLDL. 

• Perindopril претставува АКЕ-инхибитор, односно инхибитор на активноста на ензимот ангиотензин конвертаза - ензим кој учествува во конвертирањето на ангиотензин I во ангиотензин II. АКЕ-инхибицијата резултира со намалување на серумските нивоа на ангиотензин II, а со тоа доаѓа до зголемување на ренинската активност (преку инхибиција на негативната повратна спрега на ослободување на ренин и на секрецијата на алдостерон). Ова води до манифестација на антихипертензивен ефект. 

• Indapamide претставува инхибитор на Na+/Cl--котранспортерот сместен во проксималниот сегмент на дисталните тубули, а оваа инхибиција резултира со намалена реапсорпција на натриумови јони на ниво на дисталните тубули. Како последица на тоа, натриумовите јони и водата се задржуваат во луменот на нефроните со цел нивна уринарна екскреција. Резултатот на ова дејство е намалување на крвниот волумен и намалување на крвниот притисок. 

• Истовремената употреба на rosuvastatin, perindopril, indapamide со литиум може да резултира со реверзибилно зголемување на серумските нивоа на литиум и потенцирање на неговите токсични ефекти. 

• Истовремената употреба на rosuvastatin, perindopril, indapamide со баклофен може да резултира со потенцирање на антихипертензивното дејство. 

• Истовремената употреба на rosuvastatin, perindopril, indapamide со НСАИЛи може да резултира со намалување на антихипертензивниот ефект.

• Истовремената употреба на rosuvastatin, perindopril, indapamide со трициклични антидепресиви може да резултира со потенцирање на антихипертензивниот ефект и да го зголеми ризикот од појава на ортостатска хипотензија.

• Истовремената употреба на rosuvastatin, perindopril, indapamide со лекови кои предизвикуваат хиперкалиемија, како алискирен, калиумови соли, диуретици кои штедат калиум (спиронолактон, триамтерен, амилорид), АКЕ-инхибитори, ангиотензин-II-рецепторни антагонисти, НСАИЛи, хепарин, имуносупресиви, триметоприм и ко-тримоксазол може да го зголеми ризикот од појава на хиперкалиемија.

• Истовремената употреба на rosuvastatin, perindopril, indapamide со алискирен може да го зголеми ризикот од појава на хиперкалиемија, да ја влоши реналната функција и/или да ја зголеми инциденцата за кардиоваскуларен морбидитет и морталитет.

• Истовремената употреба на rosuvastatin, perindopril, indapamide со екстракорпорални третмани кои доведуваат до контакт на крвта со негативно-наелектризирани површини, како дијализа или хемофилтрација, може да го зголеми ризикот од манифестација на анафилактоидни реакции. 

• Истовремената употреба на rosuvastatin, perindopril, indapamide со сакубитрил / валсартан може да го зголеми ризикот од појава на ангиоедем.

• Истовремената употреба на rosuvastatin, perindopril, indapamide со естрамустин може да го зголеми ризикот од појава на ангиоедем.

• Истовремената употреба на rosuvastatin, perindopril, indapamide со антидијабетични лекови може да го зголеми ризикот од појава на сериозна хипогликемија. 

• Истовремената употреба на rosuvastatin, perindopril, indapamide со диуретици кои не штедат калиум може да резултира со прекумерно намалување на крвниот притисок. 

• Истовремената употреба на rosuvastatin, perindopril, indapamide со рацекадотрил може да го зголеми ризикот од појава на ангиоедем. 

• Истовремената употреба на rosuvastatin, perindopril, indapamide со mTOR инхибитори, како сиролимус, еверолимус или темзиролимус може да го зголеми ризикот од појава на ангиоедем. 

• Истовремената употреба на rosuvastatin, perindopril, indapamide со антихипертензиви и вазодилататори може да резултира со потенцирање на антихипертензивниот ефект. 

• Истовремената употреба на rosuvastatin, perindopril, indapamide со алопуринол, цитостатици или имуносупресиви може да го зголеми ризикот од појава на леукопенија. 

• Истовремената употреба на rosuvastatin, perindopril, indapamide со кортикостероиди може да резултира со намалување на терапевтскиот ефект на антихипертензивите. 

• Истовремената употреба на rosuvastatin, perindopril, indapamide со анестетици може да резултира со потенцирање на хипотензивниот ефект на анестетиците. 

• Истовремената употреба на rosuvastatin, perindopril, indapamide со глиптини како линаглиптин, ситаглиптин, саксаглиптин и вилдаглиптин може да го зголеми ризикот од појва на ангиоедем како резултат на намалување на активноста на ензимот дипептидил пептидаза IV oд страна на глиптините. 

• Истовремената употреба на rosuvastatin, perindopril, indapamide со симпатомиметици може да резултира со намалување на антихипертензивниот ефект. 

• Истовремената употреба на rosuvastatin, perindopril, indapamide со циклоспорин може да го зголеми ризикот од хиперкалиемија. 

• Истовремената употреба на rosuvastatin, perindopril, indapamide со хепарин може да резултира со појава на хиперкалиемија. 

• Истовремената употреба на rosuvastatin, perindopril, indapamide со злато може да резултира со појава на т.н. нитритоидна реакција, која се манифестира со црвенило на лицето, наузеа, вомитус и хипотензија. 

• Истовремената употреба на rosuvastatin, perindopril, indapamide со лекови кои предизвикуваат torsades de pointes, како антиаритмици од класа Ia (квинидин, хидроквинидин, дисопирамид), антиаритмици од класа III (амиодарон, дофетилид, ибутилид, бретилиум, соталол), некои антипсихотици (фенотиазин, хлорпромазин, цијамемазин, левомепромазин, тиоридазин), бензамиди (амисулпид, сулпирид, султоприд, тиаприд), бутирофенони (дроперидол, халоперидол), невролептици (пимозид), бепридил, цисаприд, дифеманил, еритромицин IV, халофантрин, мизоластин, моксифлоксацин, пентамидин, спарфлоксацин, винкамин IV, метадон, астемизол или терфенадин, може да го зголеми ризикот од torsades de pointes и од продолжување на QT-интервалот. 

• Истовремената употреба на rosuvastatin, perindopril, indapamide со амфотерицин В може да го зголеми ризикот од појава на хиперкалиемија. 

• Истовремената употреба на rosuvastatin, perindopril, indapamide со гликозиди на дигиталис може да резултира со хипокалиемија и/или хипомагнеземија. 

• Истовремената употреба на rosuvastatin, perindopril, indapamide со алопуринол може да ја зголеми инциденцата за појава на хиперсензитивни реакции на алопуринол. 

• Истовремената употреба на rosuvastatin, perindopril, indapamide со метформин може да резултира со појава на млечна ацидоза. 

• Истовремената употреба на rosuvastatin, perindopril, indapamide со јодиран контрастен медиум може да го зголеми ризикот од појава на акутна ренална инсуфициенција. 

• Истовремената употреба на rosuvastatin, perindopril, indapamide со калциумови соли може да резултира со хиперкалциемија. 

• Истовремената употреба на rosuvastatin, perindopril, indapamide со такролимус може да резултира со зголемување на серумските нивоа на креатинин. 

• Истовремената употреба на rosuvastatin, perindopril, indapamide со протеаза-инхибитори како атазанавир и/или ритонавир може да резултира со значително зголемување на изложеноста на rosuvastatin. 

• Истовремената употреба на rosuvastatin, perindopril, indapamide со гемфиброзил или други антихиперлипидемици може да резултира со зголемување на серумските нивоа на rosuvastatin. 

• Истовремената употреба на rosuvastatin, perindopril, indapamide со езетимиб може да резултира со зголемување на плазматската концентрација на rosuvastatin. 

• Истовремената употреба на rosuvastatin, perindopril, indapamide со антациди кои содржат алуминиум или магнезиум хидроксид може да резултира со намалување на плазматската концентрација на rosuvastatin. 

• Истовремената употреба на rosuvastatin, perindopril, indapamide со еритромицин може да резултира со намалување на плазматската концентрација на rosuvastatin. 

• Истовремената употреба на rosuvastatin, perindopril, indapamide со тикагрелор може да резултира со намалена ренална функција и рабдомиолиза. 

• Истовремената употреба на rosuvastatin, perindopril, indapamide со антагонисти на витамин К, како варфарин или други кумарински антикоагуланси може да резултира со продолжено крварење. 

• Истовремената употреба на rosuvastatin, perindopril, indapamide со орални контрацептиви или хормонска заместителна терапија може да резултира со зголемување на серумските нивоа на овие лекови (на пр. етинил естрадиол или норгестрел). 

• Истовремената употреба на rosuvastatin, perindopril, indapamide со фузидинска киселина може да резултира со миопатија и рабдомиолиза. 

• Употребата на rosuvastatin, perindopril, indapamide за време на бременост е контраиндицирана. 

• Употреба на rosuvastatin, perindopril, indapamide за време на доење е контраиндицирана. 

/

• Реакции на хиперсензитивност, дијабетес мелитус, хипокалиемија, вертиго, главоболка, парестезија, дисгеузија, оштетување на видот, тинитус, вртоглавица, хипотензија, кашлица, диспнеа, абдоминална болка, констипација, дијареа, диспепсија, наузеа, вомитус, пруритус, осип, макуло-папуларен осип, мускулни спазми, мијалгија, астенија, хипербилирубинемија, хипергликемија. 

• Еозинофилија, хипогликемија, реверзибилна хиперкалиемија, хипонатриемија, промени во расположението, нарушување на сонот, депресија, сомноленција, синкопа, палпитации, тахикардија, васкулитис, бронхоспазам, вомитус, сува уста, пруритус, осип, уртикарија, ангиоедем, пурпура, хиперхидроза, фотосензитивни реакции, пемфигоид, артралгија, мијалгија, ренална инсуфициенција, еректилна дисфункција, градна болка, малаксаност, периферен едем, пирексија, хиперурикемија, зголемени серумски нивоа на креатинин, пад. 

• Тромбоцитопенија, реакции на хиперсензитивност, синдром на несоодветно лачење на антидиуретичен хормон, хипохлоремија, хипомагнеземија, главоболка, парестезија, вертиго, црвенило, констипација, наузеа, сува уста, панкреатитис, влошување на псоријаза, миопатија, рабдомиолиза, синдром сличен на лупус, руптура на мускулите, акутна ренална инсуфициенција, анурија / олигурија, замор, хипербилирубинемија, зголемени серумски нивоа на хепаталните ензими. 

• Ринитис, агранулоцитоза, апластична анемија, панцитопенија, леукопенија, неутропенија, хемолитичка анемија, тромбоцитопенија, хиперкалциемија, конфузија, полиневропатија, губење на меморијата, мозочен удар како резултат на прекумерна хипотензија, ангина пекторис, аритмија (вклучително брадикардија, вентрикуларна тахикардија, атријална фибрилација), миокарден инфаркт, хипотензија, еозинофилна пневмонија, панкреатитис, хепатитис, абнормална хепатална функција, жолтица, уртикарија, ангиоедем, еритема мултиформе, Stevens-Johnson-ов синдром, артралгија, акутна ренална инсуфициенција, хематурија, гинекомастија, намалени нивоа на хемоглобин и намалени нивоа на хематокрит. 

• Нарушување на сонот, депресија, синкопа, периферна невропатија, хепатална енцефалопатија во случај на хепатална инсуфициенција, миастенија гравис, оштетување на видот, миопатија, заматен вид, хороидна ефузија, акутен глауком од затворен агол, окуларна миастенија, torsades de pointes, феноменот на Рејно, кашлица, диспнеа, дијареа, реакции на фотосензитивност, Stevens-Johnson-ов синдром, реакции на лекот со еозинофилија и системски симптоми, мускулни спазми, влошување на постојан дисеминиран лупус еритематозус, мускулна слабост, рабдомиолиза, нарушување на тетивите, имуно-посредувана некротизирачка миопатија, периферен едем, зголемени серумски нивоа на хепаталните ензими, хипергликемија, хиперурикемија, продолжен QT-интервал.