Детали за лекот

• Препорачана поединечна доза на ibuprofen е 1 – 2 таблети на секои 4 – 6 часа.

• Истовремената употреба на ibuprofen со други нестероидни антиинфламаторни лекови (вклучително и селективни СОХ-2 инхибитори) може да го зголеми ризикот од појава на несакани дејства. 

• Истовремената употреба на ibuprofen со ацетилсалицилна киселина може да го зголеми ризикот од појава на несакани дејства. 

• Истовремената употреба на ibuprofen со лекови од групата на орални антикоагуланси, како што е варфаринот, може да го зголеми ризикот од крварење.

• Истовремената употреба на ibuprofen со кортикостероиди може да го зголеми ризикот од појава на улцерации и крварења на ниво на гастроинтестиналниот тракт. 

• Истовремената употреба на ibuprofen со лекови од групата на антихипертензиви (АКЕ-инхибитори и антагонисти на ангиотензин II), β-блокатори и диуретици може да резултира со намалување на ефектот на овие лекови.
• Диуретиците може да го потенцираат нефротоксичниот ефект на ibuprofen; АКЕ-инхибиторите и антагонистите на ангиотензин II може да предизвикаат дополнително нарушување на реналната функција, вклучувајќи и можно акутно реверзибилно ренално затајување кај пациенти со ренално оштетување.

• Истовремената употреба на ibuprofen со антитромботици и лекови од групата на селективни инхибитори на серотонинското репреземање (SSRIs) може да го зголеми ризикот од крварење на ниво на гастроинтестиналниот тракт и од интракранијално крварење. 

• Истовремената употреба на ibuprofen со кардијални гликозиди може да резултира со влошување на кардијалната инсуфициенција, намалување на гломеруларната филтрација и зголемување на плазма-концентрацијата на кардијалните гликозиди (на пр. дигоксин). 

• Истовремената употреба на ibuprofen со литиум може да резултира со потенцирање на токсичните ефекти на литиумот. 

• Истовремената употреба на ibuprofen со метотрексат може да резултира со намалување на клиренсот на метотрексат и последователно потенцирање на неговите несакани ефекти (леукопенија, тромбоцитопенија, анемија, нефротоксичност, улцерации на слузницата). 

• Истовремената употреба на ibuprofen со фенитоин може да резултира со зголемување на плазма-концентрацијата на фенитоин. 

• Истовремената употреба на ibuprofen со лекови како што се циклоспорин и такролимус може да резултира со потенцирање на нефротоксичните ефекти на ibuprofen. 

• Истовремената употреба на ibuprofen со мифепристон може да резултира со намалување на терапевтската ефикасност на мифепристон. 

• Истовремената употреба на ibuprofen со зидовудин може да го зголеми ризикот од појава на хематолошка токсичност; кај ХИВ-позитивни пациенти со хемофилија, истовремената употреба на ibuprofen со зидовудин го зголемува ризикот од појава на хемартрози и хематоми. 

• Истовремената употреба на ibuprofen со кинолонски антибиотици може да го зголеми ризикот од појава на конвулзии асоцирани со кинолонските антибиотици.

• Не се препорачува употреба на ibuprofen за време на бременост.

• Не се препорачува доење за време на спроведување на терапија со ibuprofen.

/

/

• Уртикарија, пруритус, главоболка, абдоминална болка, мачнина, диспепсија, кожен осип. 

• Дијареа, флатуленција, опстипација, вомитус.

• Хематопоетички нарушувања (анемија, леукопенија, тромбоцитопенија, панцитопенија, агранулозитоза), симптоми на треска, хиперпирексија, болно грло, површински улцерации на устата, симптоми слични на грип, тешка исцрпеност, крварење од носот, кожни крварења и модринки, тешки реакции на хиперсензитивност (лицев едем, едем на јазикот и ларинксот, диспнеа, тахикардија, хипотензија, анафилакса, ангиоедем или шок), асептичен менингитис, пептичен улцер, перфорација или крварење на ниво на гастроинтестинален тракт, хематемеза, улцеративен стоматитис, гастритис, хепатални нарушувања, тешки форми на кожни реакции (булозни реакции, Stevens-Johnson-ов синдром, erythema multiforme и токсична епидермална некролиза), акутна ренална инсуфициенција, папиларна некроза, покачени серумски нивоа на уреа, едем, намалено ниво на хемоглобин.

• Хипер-реактивност на респираторниот систем, влошување на симптомите на астма, бронхоспазам, диспнеа, кардијална инсуфициенција, едем, хипертензија, егзацербација на колитис и Кронова болест, реакција на лек со еозинофилија и системски симптоми (DRESS-синдром), акутна генерализирана егзантематозна пустулоза, реакции на фотосензитивност, ренална инсуфициенција.

• Абдоминална и епигастрична болка, мачнина, вомитус, летаргија, поспаност, главоболка, тинитус, атаксија и гастроинтестинално крварење. При сериозно предозирање со ibuprofen може да дојде до појава на конвулзии, метаболна ацидоза и пролонгирано протромбинско време; можна е и појава на акутна ренална или хепатална инсуфициенција, како и на егзацербација на астма.

• Симптоматски и супортивен третман.
• Применлива е и перорална администрација на активен јаглен 1 час по ингестија на токсична доза на ibuprofen.
• Во случај на чести и пролонгирани конвулзии, потребно е да се пристапи кон интравенска примена на диазепам или лоразепам.