Детали за лекот

• Препорачана доза на ibuprofen е 1200 – 1800 mg дневно, поделени во неколку поединечни дози; кај некои пациенти, соодветната доза на одржување на ibuprofen се движи од 600 – 1200mg дневно.

• Истовремената употреба на ibuprofen со лекови од групата на антихипертензиви (АКЕ-инхибитори и антагонисти на ангиотензин II), β-блокатори и диуретици може да резултира со намалување на ефектот на овие лекови.
• Диуретиците може да го потенцираат нефротоксичниот ефект на ibuprofen; АКЕ-инхибиторите и антагонистите на ангиотензин II може да предизвикаат дополнително нарушување на реналната функција, вклучувајќи и можно акутно реверзибилно ренално затајување кај пациенти со ренално оштетување. 

• Истовремената употреба на ibuprofen со кардијални гликозиди може да резултира со влошување на кардијалната инсуфициенција, намалување на гломеруларната филтрација и зголемување на плазма-концентрацијата на кардијалните гликозиди (на пр. дигоксин).

• Истовремената употреба на ibuprofen со литиум може да резултира со потенцирање на токсичните ефекти на литиумот. 

• Истовремената употреба на ibuprofen со холестирамин може да резултира со намалување на реапсорпцијата на ibuprofen. 

• Истовремената употреба на ibuprofen со метотрексат може да резултира со намалување на клиренсот на метотрексат и последователно потенцирање на неговите несакани ефекти (леукопенија, тромбоцитопенија, анемија, нефротоксичност, улцерации на слузницата). 

• Истовремената употреба на ibuprofen со лекови како што се циклоспорин и такролимус може да резултира со потенцирање на нефротоксичните ефекти на ibuprofen. 

• Истовремената употреба на ibuprofen со мифепристон може да резултира со намалување на терапевтската ефикасност на мифепристон.

• Истовремената употреба на ibuprofen со антитромботици и лекови од групата на селективни инхибитори на серотонинското репреземање (SSRIs) може да го зголеми ризикот од крварење на ниво на гастроинтестиналниот тракт и од интракранијално крварење. 

• Истовремената употреба на ibuprofen со други нестероидни антиинфламаторни лекови (вклучително и селективни СОХ-2 инхибитори) може да го зголеми ризикот од појава на несакани дејства. 

• Истовремената употреба на ibuprofen со ацетилсалицилна киселина може да го зголеми ризикот од појава на несакани дејства. 

• Истовремената употреба на ibuprofen со кортикостероиди може да го зголеми ризикот од појава на улцерации и крварења на ниво на гастроинтестиналниот тракт. 

• Истовремената употреба на ibuprofen со лекови од групата на орални антикоагуланси, како што е варфаринот, може да го зголеми ризикот од крварење. 

• Истовремената употреба на ibuprofen со кинолонски антибиотици може да го зголеми ризикот од појава на конвулзии асоцирани со кинолонските антибиотици. 

• Истовремената употреба на ibuprofen со лекови кои содржат сулфанилуреа може да резултира со потенцирање на ефектот на овие лекови. 

• Истовремената употреба на ibuprofen со аминогликозидни антибиотици може да резултира со намалување на клиренсот на аминогликозидните антибиотици. 

• Истовремената употреба на ibuprofen со зидовудин може да го зголеми ризикот од појава на хематолошка токсичност; кај ХИВ-позитивни пациенти со хемофилија, истовремената употреба на ibuprofen со зидовудин го зголемува ризикот од појава на хемартрози и хематоми. 

• Истовремената употреба на ibuprofen со билни препарати (на пр. препарати кои содржат Ginkgo biloba) може да го зголеми ризикот од крварење. 

• Истовремената употреба на ibuprofen со лекови од групата на инхибитори на CYP450 2C9 може да резултира со значително зголемување на плазма-концентрацијата на ibuprofen. 

• Не се препорачува употреба на ibuprofen за време на бременост.

• Не се препорачува доење за време на спроведување на терапија со ibuprofen.

/

• Главоболка, вертиго, диспепсија, дијареа, наузеа, вомитус, абдоминална болка, флатуленција, констипација, хематемеза, гастроинтестинално крварење, осип, замор.

• Ринитис, хиперсензитивност, инсомнија, анксиозност, парестезија, сомноленција, нарушен вид, нарушување на слухот, тинитус, вертиго, астма, бронхоспазам, диспнеа, гастритис, дуоденален улкус, гастричен улкус, улцерација на устата, гастроинтестинални перфорации, хепатитис, жолтица, абнормална хепатална функција, уртикарија, пруритус, пурпура, ангиоедем, фотосензитивни реакции, нефротоксичност во различни облици (тубуло-интерстицијален нефритис, нефротски синдром и ренална инсуфициенција).

• Асептичен менингитис, леукопенија, тромбоцитопенија, неутропенија, агранулоцитоза, апластична анемија и хемолитичка анемија, анафилактичка реакција, депресија, конфузија, оптички нефритис, токсична оптичка невропатија, едем.

• Панкреатитис, хепатална инсуфициенција, тешки форми на кожни реакции (булозен дерматитис, Stevens-Johnson-ов синдром, erythema multiforme, токсична епидермална некролиза), кардијална инсуфициенција, миокарден инфаркт, хипертензија.

• Влошување на симптомите на колитис и Кронова болест, реакција на лекови со еозинофилија и системски симптоми (DRESS-синдром), акутна генерализирана егзантематозна пустулоза.

• Абдоминална и епигастрична болка, мачнина, вомитус, летаргија, поспаност, главоболка, тинитус, атаксија и гастроинтестинално крварење. При сериозно предозирање со ibuprofen може да дојде до појава на метаболна ацидоза, нистагмус, хипотермија, ренални ефекти, гастроинтестинално крварење, кома, апнеа, дијареа и депресија на CNS, дезориентација, ексцитација, конвулзии, несвестица, кардиоваскуларна токсичност и пролонгирано протромбинско време; можна е и појава на акутна ренална или хепатална инсуфициенција, како и на егзацербација на астма.

• Симптоматски и супортивен третман.
• Применлива е и перорална администрација на активен јаглен 1 час по ингестија на токсична доза на ibuprofen.
• Во случај на чести и пролонгирани конвулзии, потребно е да се пристапи кон интравенска примена на диазепам или лоразепам.