Лек: Пирфаспек

  • ATC код:L04AX05
  • Компанија:АСПЕКТУС ФАРМА ДОО
  • Доза:267mg тврди капсули
Идиопатска пулмонарна фиброза

Pirfenidone претставува антифибротик кој делува преку механизам на олеснување на продукцијата на трансформирачкиот фактор на раст β1 (TGF- β1) – клучен профибротик и проинфламаторен цитокин вклучен во идиопатската пулмонарна фиброза. Со супресија на TGF- β1, pirfenidone ја инхибира TGF- β1-индуцираната диференцијација на пулмонарните фибробласти во миофибробласти, со што се превенира прекумерна синтеза на колаген и прекумерна продукција на екстрацелуларен матрикс. Дополнително, pirfenidone ја инхибира и активноста на други проинфламаторни цитокини, како што се: тумор-некротизирачки фактор α (TNF-α), интерлеукин-1 (IL-1), IL-6 и интерферон γ (IFN-γ).

Возрасни пациенти
  • 1 – 7 ден: 267mg, на секои 8 часа, односно вкупна дневна доза од 801mg;
  • 8 – 14 ден: 534mg, на секои 8 часа, односно вкупна дневна доза од 1 602mg;
  • Од 15-ти ден: 801mg, на секои 8 часа, односно вкупна дневна доза од 2 403mg.
Посебни популации
Постари пациенти
  • Не е потребно прилагодување на дозата.
Педијатриска популација
  • Нема податоци. 
Пациенти кај кои се јавуваат гастроинтестинални несакани ефекти
  • За пациентите кај кои се јавуваат гастроинтестинални несакани ефекти по употребата на pirfenidone, се препорачува истиот да го земаат со храна.
Пациенти кај кои се јавуваат реакции на фотосензитивност или осип
  • За пациентите кај кои се јавуваат реакции на фотосензитивност или осип по употребата на pirfenidone, се препорачува да користат крема со заштитен фактор и да избегнуваат дирекна експозиција на сонце.
Пациенти со ренално оштетување
  • Не е потребно прилагодување на дозата на pirfenidone кај пациенти со лесна ренална инсуфициенција;
  • Потребно е прилагодување на дозата на pirfenidone кај пациенти со умерена ренална инсуфициенција;
  • Употребата на pirfenidone кај пациенти со тешка ренална инсуфициенција (креатинин клиренс < 30 mL/min) е контраиндицирана.
Пациенти со хепатално оштетување
  • Не е потребно прилагодување на дозата на pirfenidone кај пациенти со лесна до умерена хепатална инсуфициенција;
  • Потребно е прилагодување на дозата на pirfenidone кај пациенти со тешка хепатална инсуфициенција.
  • Хиперсензитивност кон pirfenidone;
  • Анамнеза на ангиоедем при примена на pirfenidone;
  • Истовремена употреба на fluvoxamine;
  • Тешка хепатална инсуфициенција или терминална хепатална болест;
  • Тешка ренална инсуфициенција (креатинин клиренс < 30 mL/min) или терминална ренална болест со потреба од дијализа.
Флувоксамин и инхибитори на CYP450 1A2
  • Истовремената употреба на pirfenidone со флувоксамин и други инхибитори на CYP450 1A2 како што се ципрофлоксацин, амиодарон или пропафенон, може да резултира со зголемување на плазматската концентрација на pirfenidone.
Пушење цигари
  • Пушењето цигари ја намалува експозицијата, на pirfenidone, односно го намалува неговиот ефект за 50%.
Индуктори на CYP450 1A2
  • Истовремената употреба на pirfenidone со индуктори на CYP450 1A2 како што се омепразол и рифампицин, резултира со намалување на плазматските нивоа на pirfenidone.
Сок од грејпфрут
  • Истовремената употреба на pirfenidone со сок од грејпфрут може да резултира со зголемување на плазматската концентрација на pirfenidone.
Бременост

  • Не се препорачува употреба на pirfenidone за време на бременост.

Доење
  • Не се препорачува доење за време на спроведување на терапија со pirfenidone.

Нема влијание.

Многу чести
  • Горно-респираторни инфекции, намалување на телесната тежина, намален апетит, инсомнија, главоболка, вертиго, диспнеа, кашлица, диспепсија, наузеа, дијареа, гастроезофагеален рефлукс, вомитус, констипација, осип, артралгија, замор.
Чести
  • Уринарни инфекции, поспаност, дисгеузија, летаргија, топли бранови, продуктивна кашлица, абдоминална дистензија, абдоминален дискомфорт, болка во горен абдомен, дискомфорт во желудникот, гастритис, опстипација, флатуленција, покачување на серумските нивоа на аланин аминотрансфераза и аспартат аминотрансфераза, реакција на фотосензитивност, пруритус, еритема, еритематозен осип, сува кожа, макуларен осип, пруритичен осип, мијалгија, астенија, некардијална градна болка, изгореници од сонце.
Помалку чести
  • Ангиоедем, хипонатриемија, покачување на серумските нивоа на вкупен билирубин во комбинација со пораст на серумските нивоа на аланин аминотрансфераза и аспартат аминотрансфераза, лек-асоцирано хепатално оштетување.
Ретки
  • Агранулоцитоза.
Многу ретки

/

Непознато
  • Анафилакса, Stevens-Johnson-ов синдром, токсична епидермална некролиза.

Во случај на предозирање, се препорачува примена на симптоматски и супортивен третман.

Поради можност од појава на замор и вертиго, се препорачува претпазливост при возење или управување со машини.

Задолжително проверете го рокот на употреба и условите на чување означени на надворешното пакување.

ATC код:L04AX05
Генерично име:pirfenidone
Латинично име:Pirfenidone hard capsules
Jaчина и фармацевтска дозирана форма:267mg тврди капсули
Производител:АСПЕКТУС ФАРМА ДОО
Носител на одобрение:ASPECTUS PHARMA LLC, Москва, Русија

Поврзани лекови