Лек: Екстранил PVC кеса х 2000 mL/PE заштитна кеса

  • ATC код:B05DA
  • Компанија:ФАРМА ТРЕЈД дооел
  • Доза:7,5% изотоничен раствор за перитонеална дијализа
Третман на хронична бубрежна инсуфициенција
  • Се употребува еднаш дневно, како замена за единечната глукозна размена која е дел или од континуирана амбулаторна перитонеална дијализа (КАПД) или од автоматизирана перитонеална дијализа (АПД).
Третман на хронична бубрежна инсуфициенција кај пациенти со загубена ултрафилтрација при употреба на глукозни раствори
  • Кај овие пациенти, лекот може да го продолжи времето на КАПД (континуирана амбулаторна перитонеална дијализа) терапија.

Icodextrin е гликозен полимер кој се однесува како осмотски агенс кога се аплицира интраперитонеално при континуирана амбулаторна перитонеална дијализа. Icodextrin делува преку механизам на зголемување на осмотскиот притисок во меѓуклеточните простори, што резултира со транскапиларна ултрафилтрација; ова се случува поради минималната апсорпција на икодекстринот на ниво на перитонеалната мембрана.

Лекот е наменет исклучително за интраперитонеална употреба.

Лекот се препорачува за употреба во тек на подолги периоди на мирување, т.е при континуирана амбулаторна перитонеална дијализа преку ноќ, а при автоматизирана перитонеална дијализа во тек на подолго дневно мирување.

Посебни популации
Возрасни
  • Преку интраперитонеална апликација, органичена на единечна размена во секој 24-часовен интервал, како дел од континуирана амбулаторна перитонеална дијализа или автоматизирана перитонеална дијализа;
  • Волуменот кој треба да се инстилира се дава во период од 10-20 минути, со брзина која му одговара на самиот пациент; 
  • Во случај кога инстилираниот волумен предизвикува дискомфорт како резултат на абдоминална дистензија, потребно е намалување на инстилираниот волумен;
  • Препорачаното време за истекување на дијализатот е помеѓу 6 – 12 часа при континуирана амбулаторна перитонеална дијализа и 14 – 16 часа при автоматизирана перитонеална дијализа..
Возрасни пациенти со нормална телесна тежина
  • Инстилираниот волумен не треба да надминува 2,0L.
Возрасни пациенти со поголема телесна тежина (над 70-75kg)
  • Се употребува волумен на полнење од 2,5L. 
Повозрасни пациенти
  • Не е потребно прилагодување на дозата.
Педијатриска популација
  • Нема податоци. 
  • Хиперсензитивност кон Icodextrin;
  • Позната алергија кон скробни полимери (на пр. пченкарен скроб) или Icodextrin;
  • Интолеранција кон малтоза или изомалтоза;
  • Болест на складирање на гликоген;
  • Претходно постоечка тешка лактатна ацидоза;
  • Иреверзибилни механички оштетувања кои го попречуваат нормалното одвивање на постапката на перитонеалната дијализа или го зголемуваат ризикот од инфекција;
  • Значителен губиток на перитонеалната функција или екстензивни атхезии коишто ја нарупуваат перитонеалната функција;
  • Педијатриска популација;
  • Акутна бубрежна инсуфициенција.

Концентрацијата во крвта на некои дијализабилни лекови може да биде намалена со дијализата.

Нема податоци.

Бременост
  • Не се препорачува употреба на Icodextrin растворот за перитонеална дијализа за време на бременост и кај жени со репродуктивен потенцијал кои не употребуваат контрацепција.
Доење
  • Не се препорачува доење за време на употреба на Icodextrin растворот за перитонеална дијализа.

Нема податоци. 

Многу чести

/

Чести
  • Дехидратација, хиповолемија, вртоглавица, главоболка, тинитус, хипотензија, хипертензија, абдоминална болка, осип (вклучувајќи макуларен, папуларен и еритематозен осип), пруритус, кожна ексфолијација, периферен едем, астенија.
Помалку чести
  • Грип, фурункул, анемија, леукоцитоза, еозинофилија, хипогликемија, хипонатриемија, хипергликемија, хиперволемија, анорексија, хипохлоремија, хипомагнеземија, хипопротеинемија, абнормално размислување, анксиозност, нервоза, хиперкинезија, парестезија, агузија, кардиоваскуларни нарушувања, тахикардија, ортостатска хипотензија, пулмонален едем, диспнеа, кашлица, сингултус, илеус, перитонит, крвав перитонеален ефлуент, дијареа, гастричен улкус, гастритис, вомитус, констипација, диспепсија, наузеа, сува уста, флатуленција, уртикарија, булозен дерматит, псоријаза, кожни улцерации, егзема, нарушувања на ноктите, сува кожа, дисколорација на кожата, болки во коските, мускулни спазми, мијалгија, болки во вратот, ренална колика, градна болка, едем во пределот на лицето, едем, болка, покачени серумски нивоа на аланин аминотрансфераза, покачени серумски нивоа на аспартат аминотрансфераза, покачени серумски нивоа на алкална фосфатаза, абнормални вредности на функционалните тестови на хепарот, намалена телесна тежина, обезност. 
Многу ретки

/

Непознато
  • Тромбоцитопенија, леукопенија, васкулит, хиперсензитивност, хипогликемичен шок, дисбаланс на течности, хипогликемична кома, чувство на печење, заматен вид, бронхоспазам, асцит, ингвинална хернија, абдоминален дискомфорт, токсична епидермална некролиза, мултиформен еритем, ангиоедем, генерализирана уртикарија, токсична ефлоресценција на кожата, периорбитален едем, дерматитис (вклучувајќи алергиски и контактен дерматитис), еритем, були, артралгија, болки во грбот, мускулоскелетни болки, пирексија, морници, слабост, еритем околу излезното место на катетерот, инфламација околу излезното место на катетерот, реакција поврзана со инфузијата на течност (вклучувајќи болка на местото на инфундирање, болка на местото на инстилација), интеракција со медицинското помагало.
Ретки

/

Континуирана апликација на повеќе од една кеса Icodextrin раствор за перитонеална дијализа во 24-часовен период може да доведе до покачување на плазматската концентрација на јаглехидратните метаболити и малтозата, па се очекува да се јави покачување на осмолалноста на плазмата.

Кај пациентите во краен стадиум на тешка бубрежна болест кои се на третман со перитонеална дијализа може да се јават несакани ефекти кои може да ја ограничат можноста за возење или ракување со машини.

Задолжително проверете го рокот на употреба и условите на чување означени на надворешното пакување.

ATC код:B05DA
Генерично име:peritoneal dialytics,isotonic solutions
Латинично име:Icodextrin, peritoneal dialytics, isotonic solution
Jaчина и фармацевтска дозирана форма:7,5% изотоничен раствор за перитонеална дијализа
Производител:ФАРМА ТРЕЈД дооел
Носител на одобрение:BAXTER Healthcare SA, Кастлбар, Ирска

Поврзани лекови