Постоперативна болка и воспаление асоцирано со операција на катаракта
Намалување на ризикот од постоперативен макуларен едем асоциран со операција на катаракта
- Применливо кај пациенти со дијабетес мелитус.
Nepafenac претставува нестероиден антиинфламаторен лек кој делува преку механизам на инхибиција на активноста на циклооксигеназите COX-1 и COX-2, со што се спречува продукција на проинфламаторни цитокини. Со навлегување во корнеата, nepafenac се конвертира во неговиот активен облик - амфенак, кој е одговорен за фармаколошкото дејство.
Препорачана доза на nepafenac е 1 капка во конјунктивалното кесе на заболеното око, на секои 8 часа, почнувајќи еден ден пред операцијата за катаракта.
На денот на операцијата и во наредните 21 дена се продолжува со апликација на nepafenac.
Со цел намалување на ризикот од постоперативен макуларен едем асоциран со операција на катаракта, се препорачува апликација на 1 капка nepafenac во конјунктивалната кеса на заболеното око дневно.
Посебни популацииПостари пациенти
- Не е потребно прилагодување на дозата.
Педијатриска популација
- Не се препорачува употреба на nepafenac кај педијатриски пациенти.
Пациенти со ренално оштетување
- Не е потребно прилагодување на дозата.
Пациенти со хепатално оштетување
- Не е потребно прилагодување на дозата.
Нема пријавени случаи на предозирање.
Поради можност од заматување на видот и појава на други визуелни нарушувања, се препорачува претпазливост при возење или управување со машини.
Задолжително проверете го рокот на употреба и условите на чување означени на надворешното пакување.
