Превенција и третман од рахитис и остеомалација
Превенција од рахитис кај предвремено родени новороденчиња
Превенција и третман на хиповитаминоза D
- Применливо кај педијатриски пациенти и возрасни пациенти со малапсорпција.
Третман на хипопаратироидизам и псевдохипопаратироидизам
Супортивен третман на остеопороза
Примарната улога на сolecalciferol во организмот е одржување на нормалните серумски нивоа на калциум и фосфати преку механизам на олеснета апсорпција на калциумовите и фосфатните јони на интестинално ниво. На ниво на хепарот, витаминот D3 и D2 се хидроксилираат до 25-хидроксивитамин D, а потоа и до нивниот активен метаболит 1,25-дихидроксивитамин D на ренално ниво. Крајниот метаболит на витамин D се врзува за кореспондирачките рецептори на витамин D, што резултира со регулација на плазматската концентрација на калциумовите јони, регулација на плазматската концентрација на паратироидниот хормон, промоција на ренална реапсорпција на калциумови јони, зголемена интестинална апсорпција на калциумови и фосфатни јони и зголемена имобилизаија на калциумовите и фосфатните јони од коските во плазмата. Генерално, калцитриол интерреагира со интестиналните рецептори на витамин D со цел да ја подобри интестиналната апсорпција на калциумовите и фосфатните јони, а исто така се врзува и со рецепторите сместени на површината на остеокластите; ова резултира со стимулација на лигандот на рецепторниот активатор на нуклеарниот фактор kappa B, кој понатаму реагира со рецепторниот активатор на нуклеарниот фактор kappa B на незрелите пре-остеокласти, со цел нивно созревање до остеокласти и со цел овозможување на адекватна коскена ресорпција. На крај, калцитриол ја стимулира реапсорпцијата на калциумовите јони од гломеруларниот филтрат на ренално ниво.
Потребна е претпазливост при употреба на colecalciferol за време на бременост и доење.
Задолжително проверете го рокот на употреба и условите на чување означени на надворешното пакување.
