Почетен третман на хиповитаминоза D
Примарната улога на сolecalciferol во организмот е одржување на нормалните серумски нивоа на калциум и фосфати преку механизам на олеснета апсорпција на калциумовите и фосфатните јони на интестинално ниво. На ниво на хепарот, витаминот D3 и D2 се хидроксилираат до 25-хидроксивитамин D, а потоа и до нивниот активен метаболит 1,25-дихидроксивитамин D на ренално ниво. Крајниот метаболит на витамин D се врзува за кореспондирачките рецептори на витамин D, што резултира со регулација на плазматската концентрација на калциумовите јони, регулација на плазматската концентрација на паратироидниот хормон, промоција на ренална реапсорпција на калциумови јони, зголемена интестинална апсорпција на калциумови и фосфатни јони и зголемена имобилизаија на калциумовите и фосфатните јони од коските во плазмата. Генерално, калцитриол интерреагира со интестиналните рецептори на витамин D со цел да ја подобри интестиналната апсорпција на калциумовите и фосфатните јони, а исто така се врзува и со рецепторите сместени на површината на остеокластите; ова резултира со стимулација на лигандот на рецепторниот активатор на нуклеарниот фактор kappa B, кој понатаму реагира со рецепторниот активатор на нуклеарниот фактор kappa B на незрелите пре-остеокласти, со цел нивно созревање до остеокласти и со цел овозможување на адекватна коскена ресорпција. На крај, калцитриол ја стимулира реапсорпцијата на калциумовите јони од гломеруларниот филтрат на ренално ниво.
Препорачана доза на colecalciferol e 25 000 IE секоја недела.
Посебни популацииПедијатриска популација
- Не се препорачува употреба на colecalciferol кај педијатриски пациенти под 18-годишна возраст.
Пациенти со ренално оштетување
- Не се препорачува употреба на colecalciferol кај пациенти со ренално оштетување.
Пациенти со хепатално оштетување
- Не е потребно прилагодување на дозата.
Задолжително проверете го рокот на употреба и условите на чување означени на надворешното пакување.
