Лек: Урапидил Калцекс

  • ATC код:C02CA06
  • Компанија:Галинос Фарм ДОО ИЛИНДЕН
  • Доза:25mg / 5mL раствор за инјектирање или инфузија
Хипертензивна криза
Тешки до екстремно тешки облици на хипертензија или хипертензија резистентна на терапија
Контролирано намалување на хипертензијата кај пост-оперативни пациенти или за време на операција

Urapidil претставува антихипертензив кој делува преку механизам на блокирање на α1-адренергичните рецептори и стимулација на серотонинергичните 5-НТ1А рецептори, со што доаѓа до намалување на ефектите на симпатикусот во насока на намалување на фреквенцијата на срцевата работа и вазодилатација.

Хипертензивни кризи, тешки и екстремно тешки облици на хипертензија и хипертензија резистентна на терапија
  • Препорачана доза на urapidil e 10 - 50 mg, администрирана во облик на бавна интравенска инјекција; 
  • Растворот за континуирана инфузија "капка-по-капка" се користи за одржување на крвниот притисок кој е постигнат по инјектирање на urapidil; препорачана доза на urapidil e 250mg на 500mL раствор за инфузија. Почетната водечка стапка на инфундирање е 2 mg/min. Дозата на одржување на urapidil e 9 mg/h.
Koнтролирано намалување на крвниот притисок кај пациенти со хипертензија за време на или по операција
  • Режимот на дозирање на urapidil опфаќа интравенско инјектирање на 25mg urapidil и доколку по 2 минути настапи пад на крвниот притисок се продолжува со стабилизација на крвниот притисок со интравенска инфузија на urapidil. Во спротивно, доколку кај пациентот нема одговор на првата инјектирана доза, се администрира втора инјектирана доза од 25mg urapidil и доколку по 2 минути настапи намалување на крвниот притисок, се администрира доза на одржување од 6mg urapidil во облик на интравенска инфузија - во спротивно, повторно се пристапува кон инјектирање на трета доза од 50mg urapidil, aдминистрирана во облик на бавна интравенска инјекција.
  • Хиперсензитивност кон urapidil; 
  • Пациенти со стеноза на истмус на аорта и артериовенски шант; 
  • Доење.
Циметидин
  • Истовремената употреба на urapidil со циметидин може да резултира со зголемување на плазматската концентрација на urapidil.
Барбитурати
  • Истовремената употреба на urapidil со барбитурати може да резултира со пролонгирање на времетраењето на терапевтското дејство на  барбитуратите.
α-адренергични антагонисти
  • Истовремената употреба на urapidil со α-адренергични антагонисти може да резултира со потенцирање на терапевтското дејство на urapidil.

Нема влијание. 

Бременост
  • Не се препорачува употреба на urapidil за време на бременост.
Доење
  • Употребата на urapidil за време на доење е контраиндицирана.

Нема податоци.

Многу чести

/

Чести
  • Вртоглавица, главоболка, наузеа.
Помалку чести
  • Нарушен сон, палпитации, тахикардија, брадикардија, ангина пекторис, диспнеа, постурална хипотензија / ортостатска дисрегулација, вомитус, дијареа, сува уста, епизоди на хиперхидроза, замор, неправилен пулс.
Ретки
  • Назална конгестија, хиперсензитивност, пруритус, црвенило на кожата, егзантем, пријапизам.
Многу ретки
  • Немир, зголемена уринарна итност, намалена уринарна инконтиненција, тромбоцитопенија.
Непознато
  • Ангиоедем, уртикарија.
Симптоми
  • Вртоглавица, ортостатски синдром, колапс, замор, намалена брзина на реакција.
Третман
  • Администрација на вазоконстриктори во облик на бавна интравенска инјекција; 
  • Администрација на катехоламини, на пр. адреналин во доза од 0,5 - 1 mg.

Се препорачува претпазливост при возење или управување со машини.

Задолжително проверете го рокот на употреба и условите на чување означени на надворешното пакување.

ATC код:C02CA06
Генерично име:urapidil
Латинично име:Urapidil solution for injection or infusion
Jaчина и фармацевтска дозирана форма:25mg / 5mL раствор за инјектирање или инфузија
Производител:Галинос Фарм ДОО ИЛИНДЕН
Носител на одобрение:AS KALCEKS, Рига, Латвија

Поврзани лекови