Реглан

Лек: Реглан

ATC код:A03FA01
Компанија:АЛКАЛОИД АД СКОПЈЕ- фармацевтска, хемиска, козметичка индустрија-Скопје, Република Северна Македонија
Доза:5 mg/5 ml перорален раствор

Boзрасни

Спречување одложена појава на наузеа и вомитус по хемотерапија

Наузеа и вомитус, вклучувајќи наузеа и вомитус кои се појавуваат при мигрена

Акутна мигрена

Применливо во комбинација со орални аналгетици со цел подобрена апсорпција на аналгетикот.

Педијатриска популација

Спречување одложена појава на наузеа и вомитус по хемотерапија и пост-оперативно

Metoclopramide претставува допаминергичен антагонист, кој го зголемува постојаниот тонус на езофагеалниот сфинктер, ги подобрува тонусот и перисталтиката на желудникот, предизвикува релаксација на пилоричниот сфинктер и зголемување на дуоденалната перисталтика. Како допаминергичен антагонист, ја преминува цереброваскуларната бариера и стапува во контакт со допаминергичните рецептори од хеморецепторната тригерзона, чијшто праг го зголемува и спречува емеза предизвикана од централни еметици, а ја намалува и осетливоста на висцералните нерви коишто пренесуваат импулси од ГИТ до еметичниот центар во мозокот. Metoclopramide ги блокира 5-НТз рецепторите коишто се сместени во тригеминоваскуларниот систем. Ваквата активност придонесува за неговите антимигренозни својства.

Препорачана почетна доза на metoclopramide е 10mg, на секои 8 часа. Максималната дневна доза е 30mg или 0,5 mg/kg телесна тежина. Максималното времетраење на терапијата е 5 дена.

Посебни популации

Постари пациенти

Потребно е прилагодување на дозата.

Пациенти со ренално оштетување

Кај пациентите со креатинин клиренс од 15 - 60 mL/min, дозата да се намали на половина од вообичаената доза;
Кај пациентите со креатинин клиренс < 15 mL/min, дозата да се намали до 75%.

Пациенти со хепатално оштетување

Дозата треба да се намали за 50% кај пациентите со тешко хепатално нарушување.

Педијатриска популација

Препорачана доза на metoclopramide е 0,1 - 0,15 mg/kg телесна тежина, на секои 8 часа.

Табела 1. Режим на дозирање

Возраст	Телесна тежина	Доза	Фреквенција
9 - 18 години	30 - 60 kg	5mg	на секои 8 часа
15 - 18 години	> 60 kg	10mg	на секои 8 часа

Хиперсензитивност кон metoclopramide;
Гастроинтестинално крварење, механичка опструкција или гастроинтестинална перфорација;
Потврден или суспектен феохромоцитом поради можен ризик од тешки хипертензивни кризи;
Историја на невролептична тардивна дискинезија или тардивна дискинезија предизвикана од metoclopramide;
Епилепсија;
Паркинсонова болест;
Комбинација со леводопа или други допаминергици;
Позната историја на метхемоглобинемија предизвикана од metoclopramide;
Деца на возраст под 1 година.

Алкохол

Истовремената употреба на metoclopramide со алкохол може да резултира со потенцирање на седативниот ефект на metoclopramide.

Антихолинергици и деривати на морфинот

Антихолинергиците и дериватите на морфин имаат взаемен антагонизам со metoclopramide на ниво на мотилитетот на дигестивниот тракт.

Депресанти на CNS

Истовремената употреба на metoclopramide со депресанти на CNS, како деривати на морфин, хипнотици, анксиолитици, анксиолитици, седативни Н1-антихистаминици, седативни антидепресанти, барбитурати или клонидин и нему-слични лекови може да резултира со потенцирање со седативните ефекти на ниво на CNS.

Невролептици

Истовремената употреба на metoclopramide со невролептици може да резултира со појава на екстрапирамидални несакани ефекти поради взаемен адитивен ефект.

Селективни инхибитори на серотонинското ре-преземање (SSRIs)

Истовремената употреба на metoclopramide со серотонинергични лекови како селективни инхибитори на серотонинското ре-преземање (SSRIs) може да го зголеми ризикот од појава на серотонински синдром.

Дигоксин

Истовремената употреба на metoclopramide со дигоксин може да резултира со намалување на биорасположливоста на дигоксин.

Циклоспорин

Истовремената употреба на metoclopramide со циклоспорин може да резултира со зголемување на биорасположливоста на циклоспорин.

Мивакуриум и суксаметониум

Истовремената употреба на metoclopramide со мивакуриум или суксаметониум може да резултира со пролонгирање на невромускулниот блок (поради инхибиција на плазматската холинестераза).

Силни инхибитори на CYP450 2D6

Истовремената употреба на metoclopramide со силни инхибитори на CYP450 2D6 како флуоксетин и пароксетин може да резултира со зголемување на плазматската концентрација на metoclopramide.

Рифампицин

Истовремената употреба на metoclopramide со рифампицин може да резултира со намалување на изложеноста на metoclopramide.

Нема податоци.

Бременост

Не се препорачува употреба на metoclopramide за време на бременост.

Доење

Не се препорачува доење за време на спроведување на терапија со metoclopramide.

Нема податоци.

Чести

Дијареа, астенија, екстрапирамидални симптоми (особено кај деца и кај млади, и/или кога препорачаната доза е надмината, дури и при еднократна доза), паркинсонизам, акатизија, депресија, хипотензија (најчесто при интравенска употреба).

Помалку чести

Брадикардија, особено при интравенска апликација, аменореја, хиперпролактинемија, хиперсензитивност, дистонија (вклучувајќи нарушувања на видот и окулогирни кризи), дискинезија, намалено ниво на свест, халуцинации,

Ретки

Галактореја, конвулзии, особено кај пациенти со епилепсија, конфузија.

Непознато

Метхемоглобинемија поврзана со дефицит на NADH цитохром — b5 редуктаза, особено кај новороденчиња, сулфхемоглобинемија, срцев арест веднаш по инјекциска употреба кој може да следи по брадикардија, атриовентрикуларен блок, застој на синусен ритам најчесто при интравенска употреба, продолжен QT-интервал, Torsadeѕ de pointes, гинекомастија, анафилактична реакција (анафилактичен шок, особено при интравенска апликација), ангиоедем и тахикардија, тардивна дискинезија која може да биде присутна во текот на терапијата или по продолжена терапија, невролептичен малиген синдром, суицидни мисли, шок, синкопа по парентерална примена, акутна хипертензија кај пациенти со феохромоцитом, транзиторна хипертензија.

Многу ретки

Многу чести

Симптоми

Екстрапирамидални нарушувања и сонливост, намалено ниво на свест, конфузија, халуцинации, како и кардиореспираторен застој.

Третман

Симптоматски (бензодијазепини - кај деца и/или антихолинергични антипаркинсоници кај возрасни).

Поради можност од појава на сонливост, вртоглавица, дискинезија и дистонија, се препорачува претпазливост при возење или управување со машини.

Задолжително проверете го рокот на употреба и условите на чување означени на надворешното пакување.

ATC код:	A03FA01
Генерично име:	metoclopramide
Латинично име:	Metoclopramide oral solution
Jaчина и фармацевтска дозирана форма:	5 mg/5 ml перорален раствор
Производител:	АЛКАЛОИД АД СКОПЈЕ- фармацевтска, хемиска, козметичка индустрија-Скопје, Република Северна Македонија
Носител на одобрение:	АЛКАЛОИД АД, Скопје, Р. Северна Македонија