Топирамат: воведување на нови безбедносни мерки, вклучително и Програма за превенција на бременост
Резултатите од безбедносната евалуација на лекот топирамат доведоа до воведување нови строги мерки за спречување на бременост, со цел заштита на нероденото дете од значителни штетни ефекти. Топирамат се користи за профилакса на мигрена и за третман на епилепсија. По сеопфатниот преглед на достапните податоци, британската регулаторна агенција за лекови (MHRA) заклучи дека употребата на топирамат за време на бременоста е поврзана со зголемен ризик од вродени малформации, ниска родилна тежина, како и потенцијален зголемен ризик од интелектуална попреченост, нарушувања од аутистичниот спектар и нарушување на вниманието со хиперактивност кај децата чии мајки го користеле лекот за време на бременоста.
