Лекот vepdegestrant на Pfizer и Arvinas доби одобрување по брза постпака за третман на метастатски карцином на дојка
Американската агенција за храна и лекови (FDA) даде одобрување по брза постапка за да се истражи дали лекот vepdegestrant може да се користи како монотерапија во третман на ER (estrogen receptor) позитивни и HER2 (human epidermal growth factor 2) негативни метастатски напредни форми на карцином на дојка кај возрасни, кои претходно биле на терапија со хормони.
Vepdegestrant е нов перорален протеински деградер, кој селективно го деградира естрогенскиот рецептор кај пациенти кај кои е експресиран на туморните клетки. Во предклиничкит истражувања, vepdegestrant покажал дека го деградира естрогенскиот рецептор кај 97% од туморните клетки, поттикнал значајно намалување на големината на туморот, во споредба со fulvestrant кој се користи како стандарден лек за овој вид на карцином.
Поради ваквите ветувачки резултати кои ги дава лекот, моемнтално со вршат истражувања на vepdegestrant како монотерапија во фаза 3 клинички испитувања, каде се евалуира неговата ефикасност и безбедност како монотерапија, но и во комбинација со palbociclib.
Како што соопштува Американската агенција за храна и лекови, овој процес на брзо одобрување за испитување на лекот (Fast Track designation for investigation) овозможува да се помогне во развојот и да се забрза одобрувањето на еден лек кој претставува важен лек за одредена медицинска состојба. Ваквиот начин на одобрувње не гарантира дека лекот ќе биде одобрен за широка употреба, туку е само забрзан процесот на истражување и разгледување на документацијата за лек кој е од критична важност за специфична медицинска состојба, како што е ER позитивен/HER2 негативен карцином на дојка.
Reference: Arvinas (2024). Arvinas and Pfizer’s Vepdegestrant (ARV-471) Receives FDA Fast Track Designation for the Treatment of Patients with ER+/HER2- Metastatic Breast Cancer.
Достапно на: https://www.globenewswire.com/news-release/2024/02/06/2824113/0/en/Arvinas-and-Pfizer-s-Vepdegestrant-ARV-471-Receives-FDA-Fast-Track-Designation-for-the-Treatment-of-Patients-with-ER-HER2-Metastatic-Breast-Cancer.html
Датум на пристап: February, 2024.
