Американската агенција за храна и лекови одобри липозомален иринотекан за третман на метастатски панкреатичен аденокарцином
Американската агенција за храна и лекови одобри липозомален irinotecan (Onivyde, Ipsen Biopharmaceuticals, Inc.) во комбинација со oxaliplatin, fluorouracil и leucovorin за третман на метастатски панкреатичен аденокарцином.
Одобрувањето на липозомален irinotecan овозможува прволиниска терапија за пациентите дијагностицирани со оваа болест. На одобрувањето му претходат позитивни резултати од клиничко испитување, во кое пациентите биле веќе на хемотерапија за метастази пред испитувањето. Во студијата се наведува дека дозниот режим вклучувал интравенски 50 mg/m2 irinotecan (90 минути), проследено со 60 mg/m2 oxaliplatin (120 минути), проследено со leucovorin 400 mg/m2 (30 минути), проследено со fluorouracil 2400 mg/m2 интравенски во рок од 46 часа, секои 2 недели.
Од студијата бил донесен заклучок дека пациентите кои добивале липозомален irinotecan со oxaliplatin, fluorouracil, и leucovorin покажале значајно подобрување во стапката на преживување без прогресија на болеста. Така што, според ова истражување се препорачува да се дава 50 mg/m2 липозомален irinotecan интравенски, во времетраење од 90 миннути, секои 2 недели.
Најчести несакани ефекти кои се појавиле во текот на испитувањето биле дијареа, општа слабост, гадење, повраќање, намален апетит, абдоминална болка, мукозално воспаление, констипација и намалена телесна тежина.
Панкреатичниот аденокарцином е форма на панкреатичен канцер кој е воедно и втората најчеста гастроинтестинална дијагноза во САД. Се предвидува дека во 2024 ќе има околу 53000 нови случаи на панкреатичен аденокарцином во САД. Важно е да се потенцира дека од дијагностицираните, дури 80% се веќе со метастатска форма на болеста.
Reference: U.S. Food and Drug Administration. News Release (2024). FDA approves irinotecan liposome for first-line treatment of metastatic pancreatic adenocarcinoma.
Достапно на: www.fda.gov/drugs/resources-information-approved-drugs/fda-approves-irinotecan-liposome-first-line-treatment-metastatic-pancreatic-adenocarcinoma
Датум на пристап: February, 2024.
