Американската агенција за храна и лекови прифати нова апликација за MDMA-потпомогната терапија за посттрауматско нарушување
Американската агенција за храна и лекови прифати апликација за MDMA-потпомогната терапија за посттрауматско нарушување (PTSD). Терапијата вклучува капсули со MDMA, во комбинација со психолошки интервенции, како што е психотерапија и други супортивни мерки кои се користат за ова психолошко нарушување.
Прифаќањето на оваа апликација е значаен напредок во терапијата за PTSD и ја нагласува итната потреба од нови пристапи во третман на оваа психолошка состојба.
Доколку оваа апликација биде одобрена, ќе биде првата официјална употреба на MDMA или каква било психоделична супстанца во третман на одредена болест или состојба, што ја прави MDMA потенцијална супстанца за рекатегоризација во листата на супстанци кои имаат бенефит за здравјето на луѓето.
Поднесувањето и прифаќањето на апликацијата се базира врз резултатите од фаза 3 клиничко испитување, кое ја евалуирало ефикасноста на MDMA во комбинација со психолошки интервенции, во споредба со плацебо. Студијата вклучувала пациенти со тешка и средна форма на PTSD. Она што е важно да се посочи е дека во групата со MDMA не бил пријавен никаков сериозен несакан ефект.
Reference: Lykos (2024). Lykos Therapeutics announces FDA acceptance and priority review of new drug application for MDMA-assisted therapy for PTSD. News release.
Достапно на: https://news.lykospbc.com/2024-02-09-Lykos-Therapeutics-Announces-FDA-Acceptance-and-Priority-Review-of-New-Drug-Application-for-MDMA-Assisted-Therapy-for-PTSD
Датум на пристап: February, 2024.
