Детали за лекот

Flecainide претставува антиаритмик од класа Ic кој делува на ниво на волтажно-зависните натриумови и калиумови канали на ниво на миокардот; flecainide ги блокира волтажно-зависните натриумови канали и за време на срцевата дијастола бавно се ослободува од врзивното место, односно бавно дисоцира од комплексот лек-рецептор, така што овозможува пролонгирање на кардијалниот рефракторен период и истовремено го скратува времетраењето на акциониот потенцијал преку Пуркиниевите влакна. Дополнително, flecainide го одложува отворањето на калиумовите канали, со што овозможува пролонгирање на акциониот потенцијал на вентрикуларните и атријалните мускулни влакна. На крај, flecainide го спречува отворањето на ријаноидните рецептори, што резултира со редукција на ослободувањето на калциумовите јони од страна на саркоплазматичниот ретикулум и последователна редукција на деполаризацијата на клетките. 

• Хиперсензитивност кон flecainide;
• Срцева инсуфициенција и историја на миокарден инфаркт пропратен со асимптоматски вентрикуларни ектопии или асимптоматска неодржлива вентикуларна тахикардија; 
• Долготрајна атријална фибрилација без обид за враќање во синус ритам; 
• Нарушена вентрикуларна функција, кардиоген шок, тешка брадикардија (помалку од 50 отчукувања во минута) и тешка хипотензија;
• Истовремена употреба на антиаритмици од класа I (блокатори на натриумови канали); 
• Хемодинамски значајна валвуларна кардијална болест; 
• Пациенти со нарушена функција на синусен јазол, нарушена атријална спроводливост, атриовентрикуларен блок од втор или повисок степен, блок на гранка или дистален блок; 
• Асимптоматски или вентрикуларни аритмии со благи симптоми;
• Познат синдром Brugada.

Нема влијание.

Нема податоци.

Поради можност од појава на вртоглавица или визуелни нарушувања, се препорачува претпазливост при возење или управување со машини.

Задолжително проверете го рокот на употреба и условите на чување означени на надворешното пакување