Детали за лекот

• Tobramycin претставува аминогликозиден антибиотик кој делува преку механизам на врзување за 16Ѕ rRNA на 30Ѕ рибозомската субединица, при што настанува конформациона промена на пептидил А позицијата во рибозомот; ова резултира со погрешна транслација на mRNA, при што во структурата на протеинот се вградуваат неадекватни аминокиселини и се формираат т.н. “nonsense” протеини. Некои од овие протеини се вградуваат во клеточната мембрана и делуваат на нејзината функција, особено на нејзината семипермеабилност; на овој начин навлегува уште поголема количина на аминогликозиди и при овие високи концентрации, синтезата на протеините целосно престанува (рибозомите се закочуваат на AUG старт-кодонот од mRNA и воопшто не ја читаат, со што прекинува елонгацијата на протеините).

• Dexamethasone претставува гликокортикоид кој делува преку механизам на врзување за гликокортикоидните рецептори, што резултира со промени во генската експресија и инхибиција на апоптозата на неутрофилите; дополнително, dexamethasone врши инхибиција на активноста на фосфолипазата А2, со што се спречува создавањето на арахидонската киселина, понатаму врши инхибиција на нуклеарниот фактор kappa B и на други проинфламаторни фактори на транскрипција.

• Мала количина на маст (околу 1,5cm) се нанесува во конјунктивалната кеса на окото, на секои 6 – 8 часа.

• Истовремената употреба на tobramycin, dexamethasone со локални кортикостероиди и НСАИЛи може да го зголеми потенцијалот за проблеми при лекување на рожница.

• Истовремената употреба на tobramycin, dexamethasone со инхибитори на CYP450 3A4, како што се ритонавир и кобицистат може да го намали клиренсот на dexamethasone, што резултира со потенцирање на неговиот ефект и предизвикување на адренална супресија / Cushing’s синдром. 

• Не се препорачува употреба на tobramycin, dexamethasone за време на бременост.

• Не се препорачува доење за време на спроведување на терапија со tobramycin, dexamethasone.

/

• Окуларна хиперемија, непријатно чувство во окото.

• Интраокуларна хипертензија, окуларна болка, окуларен пруритус, непријатно чувство во окото, окуларна иритација, пруритус на очните капаци, точкест кератитис, хиперсензитивност, главоболка, кератитис, корнеална абразија, заматен вид, еритем на очните капаци, конјунктивален едем, суви очи, oкуларна секреција, окуларен пруритус, хиперлакримација, уртикарија, дерматитис, мадароза, леукодерма, пруритус, сува кожа.

• Кератитис, окуларна алергија, заматен вид, суви очи, окуларна хиперемија, дисгеузија.

/

• Cushing’s синдром, адренална инсуфициенција, вертиго, главоболка, улцеративен кератитис, глауком, намалена визуелна острина, корнеална ерозија, птоза на очните капаци, мидријаза.