Третман на пост-аноксичен миоклонус
Дополнителен третман на дислексија
Третман на алкохолна психоза
Piracetam претставува лек од групата ноотропици, кој делува преку механизам на врзување за поларните глави на ниво на фосфолипидна мембрана, а резултантните лек-липид комплекси имаат способност да ја регулираат функцијата на липидната мембрана и да индуцираат обновување на нејзините ламеларни структури. Piracetam исто така го супримира дестабилизирачкиот ефект на амилоидниот пептид. Овој механизам овозможува подобрување на стабилноста на мембраната, ги олеснува мембранскиот транспорт и невротрансмисијата, ја подобрува невропластичноста и овозможува мембранските и трансмембранските протеини да ја задржат и да ја обноват својата тродимензионална структура, што е важно за нивната функција.
Piracetam промовира невропротективен и антиконвулзивен ефект на ниво на неврон, кој се манифестира преку механизам на постсинаптичка модулација на густината и рецепторната активност.
Препорачана почетна доза на piracetam е 7,2g (9 таблети од 800mg) поделени во 2 или 3 дози. Дозата потоа се зголемува на секои 3 до 4 дена за 4,8g дневно (6 таблети од 800mg) до максимална дневна доза од 20g, поделена во 2 или 3 дози.
Пост-аноксичен миоклонус кај возрасни
- Препорачана почетна доза на piracetam e 12g, администриран во облик на интравенска инјекција или инфузија, во текот на 7-14 дена, со постепено намалување на дозата, а потоа се продолжува со перорален третман.
Дислексија кај деца постари од 6 години
- Препорачана доза на piracetam е 50 – 100 mg/kg/ден, поделени во две дози.
Посебни популацииПациенти со ренално оштетување
- Препорачливо е прилагодување на дозата (Табела 1.).
Табела 1. Прилагодување на дозата на piracetam во зависност од степенот на ренално оштетување
|
Ренална инсуфициенција
|
Креатинин клиренс (mL/min)
|
Дозирање
|
|
Блага
|
50 – 79
|
2/3 од препорачаната дневна доза, поделена во 2-3 поединечни дози
|
|
Умерена
|
30 – 49
|
1/3 од препорачаната дневна доза, поделена во 2 поединечни дози
|
|
Тешка
|
< 30
|
1/6 од препорачаната дневна доза, еднаш дневно;
|
|
Тешка
|
< 20
|
Контраиндицирано
|
Piracetam може да се зема со или без храна.
Во случај на предозирање, се препорачува внимателно следење на општата состојба на пациентот, со особено одржување на добра хидратација и следење на реналната функција, од аспект на излачување на урина.
Piracetam може да предизвика екстремна поспаност и хиперкинезија и истиот може негативно да влијае врз способноста за возење или управување со машини, па поради тоа се препорачува голема претпазливост.
Задолжително проверете го рокот на употреба и условите на чување означени на надворешното пакување.
