Третман на акутни алергиски реакции и примена кај пациенти со анафилактичен шок
Adrenaline претставува природен катехоламин, симпатомиметички амин кој е потентен стимуланс на α- и β-адренергичните рецептори. Adrenaline има силно изразено вазоконстрикторно дејство преку α-адренергична стимулација. Преку дејство врз α-адренергичните рецептори, adrenaline инхибира вазодилатација и ја намалува васкуларната пропустливост кои се јавуваат при анафилактичен шок. Adrenaline ги стимулира бронхијалните β-адренергични рецептори и има моќно бронходилататорно дејство.
Adrenaline растворот за инјектирање се аплицира интрамускулно, во доза од 0,01mg/kg телесна тежина.
Табела 1. Доза на интрамускулна инјекција на adrenaline за силни анафилактички реакции
|
Возраст
|
Доза
|
Волумен на adrenaline (1mg/mL)
|
|
Под 6-месечна возраст
|
0,01mg/kg i.m.
|
0,01 mL/kg
|
|
6 месеци – 6 години
|
0,15mg i.m.
|
0,15 mL
|
|
Деца од 6 – 12 години
|
0,3mg i.m.
|
0,3 mL
|
|
Деца > 12 години
|
0,5mg i.m.
|
0,5 mL
|
|
Возрасни
|
0,5mg i.m.
|
0,5 mL
|
|
По потреба, овие дози може да се повторуваат неколкупати на 5 – 15 минутни интервали, во зависност од крвниот притисок, пулсот и респираторната функција.
|
Несаканите ефекти кои се јавуваат по употребата на adrenaline растворот за инјектирање не може да се класифицираат според фреквенција.
Нарушувања на имунолошкиот систем
- Анафилакса со тежок бронхоспазам.
Нарушувања на метаболизмот и исхраната
- Хипокалемија, метаболна ацидоза;
- Инхибиција на секреција на инсулин и хипергликемија.
Психијатриски нарушувања
- Психотични состојби, вознемиреност, страв, збунетост, раздразливост, несоница, немир.
Нарушувања на нервниот систем
- Главоболка, вртоглавица, тремор;
- Кај пациенти со Паркинсонов синдром, adrenaline ги зголемува ригидноста и треморот;
- Субарахноидална хеморагија и хемиплегија резултираат од хипертензија, дури и при поткожна администрација на вообичаените дози на adrenaline.
Срцеви нарушувања
- Нарушувањето на срцевиот ритам и пулс може да резултира со палпитации и тахикардија. Adrenaline може да предизвика потенцијално фатални вентрикуларни аритмии, вклучувајќи фибрилација, особено кај пациенти со органски заболувања на срцето или оние кои примаат други лекови кои го сензибилизираат срцето кон аритмии. Миокардна исхемија и инфаркт на миокардот се забележани;
- Adrenaline предизвикува EKG-промени, вклучувајќи намалување на амплитудата на Т-бранот. Во ретки случаи стрес-кардиомиопатија е забележана кај пациенти третирани со adrenaline.
Васкуларни пореметувања
- Хипертензија (со ризик од церебрална хеморагија);
- Студенилото на екстремитетите може да се забележи дури и при мала доза на adrenaline;
- Некроза на дебелото црево.
Респираторни нарушувања
- Отежнато дишење;
- Пулмонален едем може да се забележи по прекумерни дози или случаи на екстремна чувствителност.
Гастроинтестинални нарушувања
- Сува уста, намален апетит, наузеа, повраќање, хиперсаливација.
Ренални и уринарни нарушувања
- Тешкотии во мокрење, уринарна ретенција.
Општи нарушувања и состојба на местото на апликација
- Потење, слабост, бледило;
- Чести инјекции на adrenaline може да предизвикаат некроза како резултат на васкуларна констрикција на местото на инјектирање. Некроза на ткивото може да се појави и во екстремитетите, бубрезите и црниот дроб.
Се препорачува претпазливост при возење или управување со машини.
Задолжително проверете го рокот на употреба и условите на чување означени на надворешното пакување.
