Кетонал АКТИВ

Лек: Кетонал АКТИВ

ATC код:M01AE03
Компанија:ЛЕК - СКОПЈЕ Лек д.д. Љубљана дооел
Доза:50mg тврди капсули

Tретман на инфламаторни, дегенеративни и метаболни ревматски болести

Болка при настинка

Забоболка или болка по вадење на заб

Главоболка

Болки во грбот

Менструални болки (дисменореа)

Болка при повреда (вклучувајќи спортски повреди) и после хируршки интервенции)

Хиперпирексија

Ketoprofen e лек кој припаѓа на групата нестероидни антиинфламаторни лекови (НСАИЛи), а неговиот механизам на дејство подразбира редукција на синтезата на простагландини преку инхибиција на активноста на ензимот циклооксигеназа (СОХ1 и COX2); инхибицијата на активноста на СОХ2 резултира со инхибиција на синтеза на проинфламаторни простагландини, додека инхибицијата на активноста на СОХ1 резултира со инхибиција на синтеза на протективни простагландини, од кадешто потекнуваат и несаканите дејства на кетопрофенот.

Ketoprofen тврдите капсули се земаат за време на или по оброк, со најмалку 100mL вода или млеко.

Пациентите може истовремено да земаат антациди и/или протективи на гастричната мукоза, со цел да се намали можноста од појава на несакани дејства на ketoprofen врз дигестивниот систем.

Препорачана дневна доза на ketoprofen тврдите капсули е 50mg на секои 8 часа.

Максималната дневна доза е 150mg.

Посебни популации

Постари пациенти

Се препорачува примена на најниската доза, поради постоење на ризик од гастроинтестинално крварење.

Педијатриска популација

Не се препорачува употреба на ketoprofen тврдите капсули кај пациенти од педијатриската популација.

Пациенти со ренално оштетување

Нема податоци.

Пациенти со хепатално оштетување

Нема податоци.

Пациенти со историја на хиперсензитивни реакции, како што се бронхоспазма, напади на астма, ринитис, уртикарија или друг вид на алергиски реакции на ketoprofen, ацетилсалицилна киселина или други нестероидни антиинфламаторни лекови (НСАИЛи);
Хиперсензитивност кон ketoprofen;
Трет триместар од бременоста;
Сериозен облик на кардијална инсуфициенција;
Третман на болка после коронарна артериска бајпас операција;
Пациенти со хронична диспепсија;
Активен пептичен улкус или друга историја на гастро-интестинално крварење, улцерација и/или перфорација;
Хеморагична дијатеза;
Сериозен облик на хепатална инсуфициенција;
Сериозен облик на ренална инсуфициенција;
Деца и адолесценти на возраст под 16 години.

Антикоагуланси (хепарин, варфарин) и инхибитори на агрегација на тромбоцитите (клопидогрел, тиклопидин)

Истовремената употреба на ketoprofen со антикоагуланси (хепарин), антагонисти на витамин К (варфарин), инхибитори на тромбин (дабигатран), директни инхибитори на факторот Ха (апиксабан, ривароксабан, едоксабан) или инхибитори на агрегација на тромбоцитите (клопидогрел, тиклопидин) може да го зголеми ризикот од појава на гастро-интестинални крварења и улцерации.

Литиум

Истовремената употреба на ketoprofen со литиум може да резултира со покачување на плазма-концентрацијата на литиум, понекогаш и до постигнување на токсични нивоа, поради намалена ренална екскреција на литиум.

Нестероидни антиинфламаторни лекови (НСАИЛи)

Истовремената употреба на ketoprofen со други нестероидни антиинфламаторни лекови може да го зголеми ризикот од појава на гастро-интестинални крварења и улцерации.

Метотрексат

Истовремената употреба на ketoprofen со метотрексат во дози поголеми од 15mg неделно може да резултира со зголемување на ризикот од хематолошка токсичност на метотрексат, што е поврзано со поместувањето на протеински-врзаниот метотрексат и намалениот ренален клиренс.

Диуретици

Истовремената употреба на ketoprofen со диуретици може да го зголеми ризикот од развој на ренална инсуфициенција како последица на намалувањето на реналниот проток на крв предизвикан од простагландинската инхибиција.

АКЕ-инхибитори и антагонисти на рецепторите на ангиотензин II

Истовремената употреба на ketoprofen со лекови од групата на АКЕ-инхибитори и антагонисти на рецепторите на ангиотензин II може да резултира со намалување на реналната функција и можна акутна ренална инсуфициенција.

Пентоксифилин

Истовремената употреба на ketoprofen со пентоксифилин може да го зголеми ризикот од појава на гастро-интестинални крварења и улцерации.

Кортикостероиди

Истовремената употреба на ketoprofen со кортикостероиди може да го зголеми ризикот од појава на гастро-интестинални крварења и улцерации.

Тромболитици

Истовремената употреба на ketoprofen со лекови од групата на тромболитици може да го зголеми ризикот од крварење.

Селективни инхибитори на серотонинското ре-преземање (SSRI)

Истовремената употреба на ketoprofen со селективните инхибитори на секундарното ре-преземање на серотонин може да резултира со зголемување на ризикот од појава на гастро-интестинални крварења и/или улцерации.

Пробенецид

Истовремената употреба на ketoprofen со пробенецид може да резултира со значително намалување на плазматскиот клиренс на ketoprofen, при што соодветно следи покачување на плазматските концентрации на ketoprofen. Оваа интеракција се должи на инхибиторниот механизам на местото на тубуларна секреција, како и глукуроидната конјугација.

Циклоспорин, такролимус

Истовремената употреба на ketoprofen со лекови како што се циклоспорин и такролимус може да го зголеми ризикот од појава на дополнителни нефротоксични ефекти, особено кај повозрасни пациенти.

Ketoprofen тврдите капсули може да се земаат за време на или по оброк.

Бременост

Не се препорачува употреба на ketoprofen тврдите капсули за време на бременост.

Доење

Не се препорачува доење за време на спроведувањето на третманот со ketoprofen тврдите капсули.

Нема податоци.

Многу чести

Чести

Диспепсија, наузеа, абдоминална болка, вомитус.

Помалку чести

Главоболка, вертиго, поспаност, констипација, дијареа, флатуленција, гастритис, кожен раш, пруритус, едем.

Ретки

Хеморагична анемија, парестезија, заматување на видот, тинитус, астма, стоматитис, пептичен улкус, хепатитис, покачени серумски нивоа на трансаминазите, покачени серумски нивоа на билирубин како резултат на хепатитис, обезност.

Многу ретки

Непознато

Агранулоцитоза, тромбоцитопенија, нарушување на коскената срцевина, анафилактични реакции (вклучително и шок), промени во однесувањето, конвулзии, дисгеузија, срцева инсуфициенција, хипертензија, вазодилатација, бронхоспазам, ринитис, влошување на симптомите на колитис и Кронова болест, гастроинтестинално крварење и перфорација, фотосензитивност, алопеција, уртикарија, ангиоедем, булозни реакции вклучувајќи Stevens-Johnson-ов синдром и токсична епидермална некролиза, акутно ренално оштетување, тубуло-интерстицијален нефритис, нефротски синдром, променети тестови на ренална функција, замор.

Симптоми

Летаргија, поспаност, наузеа, вомитус и епигастрична болки, главоболки, зашеметеност и дијареа; при сериозно предозирање може да се манифестира хипотензија, респираторна депресија и гастроинтестинално крварење.

Третман

Гастрична лаважа и примена на соодветни супортивни мерки со цел компензација на настанатата дехидратација и проценка на реналната функција.

Поради можноста од појава на вртоглавица, поспаност или конвулзии како резултат на употребата на ketoprofen, се препорачува претпазливост при возење или управување со машини.

Задолжително проверете го рокот на употреба и условите на чување означени на надворешното пакување.

ATC код:	M01AE03
Генерично име:	ketoprofen
Латинично име:	Ketoprofen hard capsules
Jaчина и фармацевтска дозирана форма:	50mg тврди капсули
Производител:	ЛЕК - СКОПЈЕ Лек д.д. Љубљана дооел
Носител на одобрение:	LEK farmacevtska druzba d.d., Љубљана, Словенија